ប៉ូលិសវេណេស៊ុយអេឡាបានបាញ់ឧស្ម័នបង្ហូរទឹកភ្នែកដើម្បីបំបែកពួកនិស្សិតដែលកំពុងធ្វើបាតុកម្មប្រឆាំងរដ្ឋាភិបាលរបស់ប្រធានាធិបតីលោក និកូឡាសម៉ាឌូរ៉ូ (Nicolas Maduro) នៅថ្ងៃខួបបាតុកម្មដែលជាយថាហេតុបណ្ដាលឲ្យស្លាប់មនុស្ស៤៣នាក់កាលពីឆ្នាំមុន។
ការប៉ះទង្គិចគ្នាបានផ្ទុះឡើងនៅពេលពួកនិស្សិតនៅក្នុងទីក្រុងសាន់គ្រិសតូបាភាគខាងលិច ជាបាតុកម្មដែលបានអង្រួនប្រទេសពីខែកុម្ភៈ ដល់ខែមិថុនា ឆ្នាំ២០១៤នោះ បានព្យាយាមដើរដង្ហែទៅកាន់ការិយាល័យក្នុងស្រុកមន្ត្រីសិទ្ធមនុស្សជាតិ។
អាជ្ញាធរនិយាយថា មនុស្សម្នាក់ត្រូវបានគេគ្រវែងត្រូវក្បាលដោយដុំថ្មមួយ និងរបួសនៅពេលប៉ះទង្គិចគ្នាមុនប៉ូលិសបាញ់ឧស្ម័នបង្ហូរទឹកភ្នែកដើម្បីបំបែកហ្វូងបាតុកម្មនោះ។
សារព័ត៌មានវេណេស៊ុយអេឡានិយាយថា រដ្ឋធានីការ៉ាកាសនិងទីក្រុងផ្សេងទៀតប្រារព្ធខួបបាតុកម្មឆ្នាំមុន ដែលបានចាប់ផ្តើមឧក្រិដ្ឋហិង្សា ប៉ុន្តែបានលេចឡើងនូវការបង្ហាញពីការមិនពេញចិត្តជាមួយនឹងការខ្វះខាតទូទៅអតិផរណានិងការគ្រប់គ្រងសេដ្ឋកិច្ចទន់ខ្សោយរបស់រដ្ឋាភិបាលសង្គមនិយម។
នៅក្រុងការ៉ាកាស ពួកនិស្សិតប្រហែល២០០នាក់ បានព្យាយាមដើរដង្ហែឆ្ពោះទៅកាន់វិហារកាតាលិកមួយនៅថ្ងៃព្រហស្បតិ៍ ប៉ុន្តែត្រូវបានប៉ូលិសបង្ខំចិត្តឲ្យដកថយ ហើយក៏បានប្រមូលផ្តុំគ្នានៅបរិវណសកលវិទ្យាល័យកណ្ដាលវេណេស៊ុយអេឡាវិញ៕
រឹទ្ធ
0 Comments