បន្ទាយមានជ័យ ៖ ទីតាំងត្រួតពិនិត្យទំនិញគ្រប់ប្រភេទមកពីប្រទេសថៃតាមច្រកទ្វារអន្តរជាតិប៉ោយប៉ែត និងតាមច្រករបៀងផ្សេងៗត្រង់ចំណុចកូនដំរីដែលអាជ្ញាធរខេត្តបន្ទាយមានជ័យបានឯកភាពឲ្យមន្ត្រីជំនាញចំរុះចុះត្រួតពិនិត្យដើម្បីឆែកឆេររកទំនិញណាមិនបង់ពន្ធជូនរដ្ឋនោះ បានក្លាយជាកន្លែងជំរិតទារប្រាក់ពីប្រជាពលរដ្ឋដឹកទំនិញគេចពន្ធយ៉ាងចាស់ដៃទៅវិញ។
ជារៀងរាល់ថ្ងៃគេសង្កេតឃើញទីតាំងខាងលើនេះកំពុងឃុបឃិតជាមួយក្រុមឈ្មួញនាំទំនិញគេចពន្ធ ហើយក៏មានការឃុបឃិតជាមួយក្រុមឈ្មួញនាំចូលម៉ូតូអត់ពន្ធតាមច្រករបៀងផ្សេងៗដោយតម្រូវឲ្យបង់លុយឲ្យខ្លួនដើម្បីដាក់ក្នុងចូលហោប៉ៅច្រើនជាងចូលរដ្ឋ ហើយបង្កឲ្យមានការកកស្ទះនៅលើកំណាត់ផ្លូវជាតិលេខ៥ស្ទើរតែរាល់ថ្ងៃ ដោយមានរថយន្តតូច.ធំជាច្រើនគ្រឿងចូលបង់លុយហើយប្រសិនជារថយន្តណាមិនព្រមបង់លុយទៅឲ្យគេតាមតម្រូវនោះទេ គេទុកមួយអន្លើសិន។
បើតាមអ្នកបើករថយន្តតួរីសដឹកភ្ញៀវជាតិ និងមានទំនិញបន្តិចបន្តួចនោះបាននិយាយថា រូបគាត់ក៏គេតម្រូវឲ្យបង់លុយឲ្យខាងមន្ត្រីត្រួតពិនិត្យខាងលើនេះដែរ គឺឲ្យបង់គាត់បង់លុយដោយតាមរូបភាពច្រើន ឫចំនួនតិចទៅតាមមុខទំនិញដែលបានដឹក យ៉ាងហោចណាស់ក៏ត្រូវបានបង់លុយម្តង៣០.០០០ម៉ឺនរៀលទៅ៥០.០០០ម៉ឺនរៀលដែរ។ ជាក់ស្តែងកាលពីល្ងាចថ្ងៃទី១២ ខែកុម្ភៈ ឆ្នាំ២០១៥
បុរសស្លៀកពាក់ស៊ីវិលម្នាក់គឺជាបុគ្គលម្នាក់ជំនាញខាងគាបជំរិតពីក្រុមអ្នករត់តាក់ស៊ី និងឈ្មួញផងដែរនោះបាននិយាយថា បើឈ្មួញណាមិនព្រមបង់លុយតាមការទារនោះទេ គេគំរាមឲ្យគយខេត្តបន្ទាយមានជ័យចាប់ទំនិញ និងទម្លាក់ទំនិញជាមិនខានឡើយ ហើយទៅថ្ងៃមុខប្រឈមនឹងការបាត់បង់របររកស៊ីទៀតផង។ គួរបញ្ជាក់ថា ប្រធានប៉ុស្តិ៍នៅទីនោះដឹកនាំដោយលោកគយម្នាក់មានអំណាចក្នុងប៉ុស្តិ៍ ដោយតម្រូវឲ្យក្រុមរថយន្តដឹកទំនិញគ្រប់ប្រភេទរថយន្តកាមរី ហើយក្នុង១រថយន្តត្រូវបង់លុយពី៩០ម៉ឺនទៅ១លានរៀលជាប្រចាំខែទើបអាចរកស៊ីបានស្រួល។ អ្នកដឹកទំនិញបានសំណូមពរដល់លោក គោ ស៊ុំសារឿត អភិបាលខេត្តបន្ទាយមានជ័យសូមឲ្យលោកដឹកនាំមន្ត្រីក្រោមបង្គាប់ចុះត្រួតពិនិត្យប៉ុស្តិ៍នៅកន្លែងត្រួតពិនិត្យទីតាំងកូនដំរីនេះផង ព្រោះសព្វថ្ងៃនេះកំពុងល្បីខាងកៀបជំរិតទារប្រាក់ពីអ្នករត់តាក់ស៊ីដឹកឥវ៉ាន់ខ្លាំងសំបើមណាស់៕
គង្គា
0 Comments