ទីភ្នាក់ងារកុមាររបស់អ ស ប បាននិយាយនៅថ្ងៃអាទិត្យថា ខ្លួនព្រួយបារម្ភថាក្មេងប្រុសរាប់រយនាក់ដែលត្រូវបានគេចាប់ពង្រត់កាលពីខែមុននៅភាគឥសានរបស់ប្រទេសស៊ូដង់ខាងត្បូងដោយបានលើកឡើងពីការសង្ស័យថា ពួកអ្នកចាប់ពង្រត់ទាំងនោះមកពីកងជីវពលស្និទ្ធរដ្ឋាភិបាល។
កាលពីសប្ដាហ៍មុន UNICEF បានប៉ាន់ស្មានថា ក្មេងប្រុស៨៩នាក់ ដែលអ្នកខ្លះមានអាយុ១៣ឆ្នាំ ត្រូវបានចាប់ពង្រត់ដោយពួកប្រដាប់អាវុធមួយក្រុមនៅវ៉ាអូ ស៊ីលលុក ទីក្រុងមាត់ទន្លេមួយនៅក្នុងទឹកដីដែលរដ្ឋាភិបាលគ្រប់គ្រងនៅក្នុងរដ្ឋUpper Nile ដែលសម្បូរណ៍ប្រេង។
UNICEF បាននិយាយនៅក្នុងសេចក្ដីថ្លែងការណ៍មួយថា "អង្គការនោះឥឡូវនេះជឿថា ចំនួននៃក្មេងប្រុសទាំងនោះអាចមានរាប់រយនាក់"។
សាក្សីដែលបានដឹងពីការចាប់ពង្រត់នៅថ្ងៃទី១៥ និង១៦ ខែកុម្ភៈ នោះនិយាយថា ពួកទាហានប្រដាប់អាវុធដែលគេមិនស្គាល់ភិនភាគបានឡោមព័ន្ធសហគមន៍នោះ និងបានដើរពីផ្ទះមួយទៅផ្ទះមួយ ដោយចាប់ក្មេងប្រុសទាំងបង្ខំដែលគេគិតថា មានអាយុលើ១២ឆ្នាំ៕
រឹទ្ធ
0 Comments