មន្ត្រីរដ្ឋាភិបាលកូឡុំប៊ី និយាយថា បេសកជនពិសេសសហរដ្ឋអាមេរិកដែលត្រូវគេតែងតាំងកាលពីថ្មីៗនេះឲ្យចូលរួចចរចាសន្តិភាពរបស់ប្រទេសកូឡុំប៊ី បានជួបជាមួយអ្នកចរចារដ្ឋាភិបាលនិងអ្នកចរចាឧទ្ទាមជាលើកដំបូងនៅថ្ងៃអាទិត្យ ដោយបានបើកសម័យប្រជុំដោយឡែកពីគ្នាជាមួយភាគីនិមួយៗ។
ប្រធានាធិបតីសហរដ្ឋអាមេរិកលោកបារ៉ាក់អូបាម៉ា (Obama) បានតែងតាំងអ្នកការទូតជើងចាស់លោកប៊ឺណាដ អារ៉ន់សិន (Bernard Aronson) ជាបេសកជនពិសេសនៅថ្ងៃទី២០ ខែកុម្ភៈ។ វាគឺជាការចូលរួមដ៏សំខាន់លើកទីពីររបស់ក្រុងវ៉ាស៊ីងតោនជាមួយអាមេរិកឡាទីន ក្រោយពីកែប្រែសាជាថ្មីនូវនយោបាយគុយបាដ៏យូរអង្វែងនៅថ្ងៃទី១៧ ខែធ្នូនោះ បានព្រមព្រៀងស្ដារទំនាក់ទំនងការទូតឡើងវិញ ហើយនឹងបញ្ចប់ការប្រឈមមុខពាក់កណ្ដាលសតវត្សរ៍ជាមួយកោះដែលដឹកនាំដោយពួកកុម្មុយនីស្ត។
ប្រទេសគុយបាកំពុងធ្វើជាម្ចាស់ផ្ទះរៀបចំការចរចាសន្តិភាពដែលនៅក្នុងនោះរដ្ឋាភិបាលកូឡុំប៊ី និងពួកទ័ពព្រៃFARC ឆ្វេងនិយម កំពុងព្យាយាមដើម្បីបញ្ចប់សង្គ្រាមដ៏យូរបំផុតរបស់អាមេរិកឡាទីន ដែលបានសម្លាប់មនុស្សជាង២០០.០០០នាក់ ចាប់តាំងពីឆ្នាំ១៩៦៤មក៕
រឹទ្ធ
0 Comments