សាក្សីសំខាន់នៅក្នុងការធ្វើឃាតមេដឹកនាំគណបក្សប្រឆាំងរុស្ស៊ី លោកបូរិស ណេមសូវ(Boris Nemtsov) នារីបង្ហាញម៉ូតអ៊ុយក្រែន ដែលជាមិត្តនារីរបស់លោកនោះ បានទៅដល់ក្រុងគៀវនៅពេលនោះពួកអាជ្ញាធរបានសន្យាថា នឹងដោះស្រាយការធ្វើឃាតនយោបាយដ៏ក្តុកក្តួលបំផុតដែលបានកើតឡើងនៅក្នុងអំឡុងពេលនៃការគ្រប់គ្រងអំណាចរបស់លោកវ្ល៉ាឌីមៀរពូទីន(Putin) ។ នាងហ្កានណាឌរីតស្កា(Ganna Duritska) ដែលកំពុងដើរជាមួយលោកណេមសូវនៅពេលលោកស្លាប់នោះ បានទៅដល់ប្រលានយន្តហោះក្រុងគៀវដោយសុវត្ថិភាព មេធាវីរបស់នាងលោកវ៉ាឌិមប្រូកូរ៉វ(Vadim prokhorov) ដែលកំពុងអមដំណើរនាង បាននិយាយប្រាប់អ្នកយកព័ត៌មានដោយបន្ថែមថា នាងត្រូវការសម្រាក។
នាងឌូរិតស្កាបាននិយាយនាពេលថ្មីៗនេះថា ពួកអ្នកស៊ើបអង្កេតកំពុងរារាំងនាងមិនឲ្យចាកចេញពីក្រុងមូស្គូ។
ពិធីបុណ្យសពរបស់លោកណេមសូវ អាយុ៥៥ឆ្នាំ អតីតឧបនាយករដ្ឋមន្ត្រីជាអ្នករិះគន់លោកពូទីនរយៈពេលយូរនិងជាអ្នកប្រឆាំងអំពើពុករលួយនោះ ត្រូវគេប្រារព្ធធ្វើនៅថ្ងៃអង្គារ នៅឯឈាបនដ្ឋាន Troek urovskoye របស់រដ្ឋធានីនៃប្រទេសរុស្ស៊ី៕
រឹទ្ធ
0 Comments