កិច្ចប្រជុំមួយរបស់ Federal Reserve របស់អាមេរិក និងការប៉ាន់ស្មានដំបូងនៃកំណើនសេដ្ឋកិច្ចនៅត្រីមាសទី២របស់អាមេរិក ទំនងជាកត្ដាស្នូលនៃសេដ្ឋកិច្ចនៅសប្ដាហ៍នេះ ជាមួយលទ្ធភាពទីផ្សារជាលើកដំបូងនៅក្នុងរយៈពេលរាប់ខែ ដើម្បីពិនិត្យមើលទៅឯនាយការតស៊ូប្រាក់បំណុលរបស់ប្រទេសក្រិក នោះទៅទៀត។
បន្ទាប់ពីកិច្ចប្រជុំសង្គ្រោះបន្ទាន់ជាបន្ដបន្ទាប់របស់តំបន់ចាយប្រាក់អឺរ៉ូមក ប្រទេសក្រិក បានទទួលប្រាក់កម្ចីរយៈពេលខ្លីចំនួន៧.២ពាន់លានអឺរ៉ូ (៧.៩ពាន់លានដុល្លារ) និងបានអនុម័តនូវវិធានការជាបន្ដបន្ទាប់ សំដៅបញ្ចុះបញ្ចូលឥណទាយកអន្ដរជាតិ ដើម្បីយល់ព្រមលើជំនួយសង្គ្រោះលើកទី៣ចំនួន៨៦ពាន់លានអឺរ៉ូ។ ការពិភាក្សាទាំងនោះទំនងជានឹងកើតឡើងនៅដើមខែសីហា។
នៅក្នុងពេលជាមួយគ្នានេះ គណៈកម្មាធិការបើកចំហទីផ្សារដែលកំណត់អត្រាទីផ្សារ នឹងជួបប្រជុំគ្នានៅថ្ងៃអង្គារ និងថ្ងៃពុធ។ ពួកអ្នកសេដ្ឋកិច្ច មិនរំពឹងថា អត្រាកើនឡើងនោះទេ រហូតដល់ខែកញ្ញា នៅពេលដែលធនាគារកណ្ដាលមានផែនការបើកធ្វើសន្និសីទសារព័ត៌មានមួយមិនដូចនៅក្នុងខែកក្កដានោះទេ លុះត្រាតែសេចក្ដីថ្លែងការណ៍ត្រូវបានរៀបចំធ្វើឡើង។
យ៉ាងណាក៏ដោយ ក៏លោក Janet Yellen ប្រធានរបស់ Fed បានព្រមានថា ការប្រជុំនីមួយៗ គឺត្រូវផ្សាយផ្ទាល់ ជាមួយលទ្ធភាពនៃសេចក្ដីសម្រេចនៅពេលណាមួយក៏បាន។ អ្នកធ្វើនយោបាយទំនងជានឹងមានការតម្រង់ទិសមួយរួចហើយ អំពីផលិតផលសរុបក្នុងស្រុករបស់អាមេរិក នៅក្នុងត្រីមាសទី២ ដែលការប៉ាន់ស្មានលើកដំបូងអំពីបញ្ហានេះ នឹងត្រូវបានចេញផ្សាយនៅ ក្នុងថ្ងៃព្រហស្បតិ៍។ សេដ្ឋកិច្ចត្រូវបានគេមើលឃើញថា វិលត្រឡប់ទៅរកកំណើន២.៧ភាគរយ បន្ទាប់ពីការរួញនៅក្នុងរយៈពេល៣ខែ ដែលប៉ះពាល់ដោយសារអាកាសធាតុនោះ។
ការលក់រាយខ្សោយ និងរបាយការណ៍ការងារដែលគួរឲ្យខកចិត្ដនៅក្នុងការធ្លាក់ចុះយ៉ាងខ្លាំងនៅក្នុងខែមិថុនា និងខែឧសភា អំពីការជឿទុកចិត្ដទៅលើបញ្ហាពាណិជ្ជកម្មបានធ្វើឲ្យកើនឡើងនូវការបារម្ភអំពីសេដ្ឋកិច្ចដ៏ធំបំផុតរបស់ពិភពលោកនេះ កំពុងតែមានសភាពយឺត។ ប៉ុន្ដែការកើនឡើង១ភាគ៥ប្រចាំខែនៅក្នុងតម្លៃរបស់អ្នកប្រើប្រាស់នៅក្នុងខែមិថុនា និងទិន្នន័យផ្ដល់ផ្ទះសម្បែងដ៏ខ្លាំងនោះ អាចគាំទ្រការរឹតបន្ដឹងនយោបាយនៃរូបិយវត្ថុ។
នៅប្រទេសអង់គ្លេស ទិន្នន័យនៅថ្ងៃអង្គារ ត្រូវបានគេរំពឹងថា នឹងបង្ហាញសេដ្ឋកិច្ចដ៏ធំបំផុតទី២របស់អឺរ៉ុបនេះ បានជាសះស្បើយពីការបង្អង់ល្បឿន គួរឲ្យភ្ញាក់ផ្អើលនៅដើមឆ្នាំ២០១៥ និងមានកំណើនប្រចាំត្រីមាស០.៧ភាគរយនៅក្នុងរយៈពេលពីខែមេសា ដល់ខែមិថុនា ត្រឡប់ទៅរកប្រភេទនៃជំហានដែលគេបានឃើញនៅដំណាច់នៃឆ្នាំកន្លងមក៕
VOA
កំណើនសេដ្ឋកិច្ចរបស់អាមេរិក អង់គ្លេស ស្ថិតនៅក្នុងការផ្ដោតការយកចិត្តទុកដាក់
0 Comments