ប៉ុន្តែក្រោយពីការចេញផ្សាយមិនបានយូរប៉ុន្មានផងក៏ស្រាប់តែមានប្រតិកម្មបង្ហាញពីអារម្មណ៍ក្តៅក្រហាសពីសំណាក់សាមីខ្លួននាងផ្ទាល់។ ឆ្លើយតបទៅនឹងការចុះផ្សាយពីសំណាក់សារព័ត៌មានមួយនេះតារាសម្តែងនាង គង់ វិច្ឆិកា បានចេញមុខសរសេរដោយប្រតិកម្មបញ្ចេញកំហឹងខ្លាំងៗធ្វើឡើងតាមរយៈទំព័រហ្វេសប៊ុកផ្ទាល់ខ្លួនថាវាជារឿងមួយដែលគ្មានការពិត។
នៅក្នុងអត្ថន័យខ្លឹមសារដែលត្រូវបានតារាសម្តែងនាង គង់ វិច្ឆិកា សរសេរបង្ហោះនៅលើបណ្តាញសង្គមហ្វេសប៊ុកបានលើកឡើងថា “ញុំចង់ប្រាប់អ្នកដែលយករឿងគេទៅនិយាយបង្ខូចថាគេអាក្រក់ចេះ អាក្រក់ចុះបង្កើតពាក្យថាខ្ញុំល្បីធ្វើឫកចេះឲ្យមិត្តភក្តិខ្លះចំអកឲ្យនិងជេរដោយពាក្យមិនល្អខ្ញុំចង់ប្រាប់បងថាខ្ញុំមិនមែនជាអ្នកល្បីអីទេខ្ញុំទើបតែចូលសិល្បៈម្សិលមិញម្សិលម្ង៉ៃតែប៉ុណ្ណោះមិនដែលតាំងចិត្តជាអ្នកល្បីអីផង”។
តារាសម្តែងវ័យក្មេងកញ្ញា គង់ វិច្ឆិកា បានសរសេរជះកំហឹងលើអ្នកសារព័ត៌មានទៀតថា “គ្មានអីអស្ចារ្យដូចពាក្យដែលថាផង!!! ដូច្នេះមិនមែនជារឿងពិតរបស់គេហើយយកទៅចុះផ្តេសផ្តាសប្រយ័ត្នបាបកម្មហើយទេវតាបរាមុខណាបង”។
គួររំលឹកថា កាលពីថ្មីៗកន្លងមកនេះសារព័ត៌មានក្នុងស្រុកមួយបានសរសេរចុះផ្សាយថាតារាសម្តែងកញ្ញា គង់ វិច្ឆិកា វាយឫកខ្ពស់ពេលកេរ្តិ៍ឈ្មោះកាន់តែរន្ទឺ។ មិនតែប៉ុណ្ណោះព័ត៌មានខាងលើក៏បានសរសេរទៀតថា ចាប់តាំងពីបានល្បីឈ្មោះមកអត្តចរិតរបស់នាងក៏ស្រាប់តែប្រែប្រួលដោយនាងបានបញ្ចេញភាពឆ្មើងឆ្មៃមិនសូវមាត់កវាយឫកខ្ពស់ខុសពីពេលចូលសិល្បៈដំបូង ពោលគឺចរិតរបស់នាងហាក់បីដូចចង់យកមេឃមកទ្រាប់អង្គុយអីចឹង។
ប៉ុន្តែយ៉ាងណាមិញបន្ទាប់ពីមានការចុះផ្សាយព័ត៌មាននេះគេក៏ឃើញមានប្រតិកម្មឆ្លើយតបវាយបកពីសំណាក់តារាសម្តែងនាង គង់ វិច្ឆិកា ភ្លាមៗផងដែរដោយនាងចាត់ទុក្ខព័ត៌មាននេះថាជាការសរសេរបំផ្លើសផ្ទុយពីការពិតទាំងស្រុង៕
គង់ វិច្ឆិកា ជះកំហឹងលើអ្នកសារព័ត៌មានសរសេររិះគន់ពីនាង
0 Comments