ភ្នំពេញ ៖ ក្រោយពីដាក់ខ្លួនចូលប្រឡូកនៅក្នុងវិស័យសិល្បៈរយៈពេលជាង២ឆ្នាំមកនោះ តារាសម្ដែងរលកថ្មីកំពុងមានពន្លឺក្នុងវិថីសិល្បៈ កញ្ញា ឡុង ថាវរី ត្រូវបានគេមើលឃើញថា នាងហាក់កំពុងតែលេចមុខលេចមាត់ច្រើនគួរសម នៅក្នុងអាជីពសិល្បៈ តាមរយៈការចេញមុខតួសម្ដែងរហូតទទួលបានតំណែងធ្វើជាតួឯក និងមានការគាំទ្រពីសំណាក់មហាជនគ្រប់វ័យ។
ស្របពេលដែលកេរ្តិ៍ឈ្មោះកំពុងតែបោះជំហានទៅមុខតាមរយៈសមត្ថភាពតួសម្ដែងបូករួម នឹងរូបសម្រស់របស់នាងនេះដែរ ក៏មានព័ត៌មានបែកធ្លាយមកថា តារាសម្ដែងនាង ឡុង ថាវរី ហៅ ម៉ារី កាលពីថ្មីៗកន្លងមកនេះ បានចំណាយលុយរាប់ពាន់ដុល្លារចេញទៅកែសម្ផស្ស ធ្វើមុខ និងខ្ទង់ច្រមុះនៅប្រទេសថៃ ដើម្បីបន្ថែមសម្រស់ពីធម្មជាតិឲ្យមានសភាពកាន់តែស្រស់ស្អាតជាងមុនឡើងថែមទៀត។
ប្រភពពីមជ្ឈដ្ឋានអ្នកសិល្បៈដូចគ្នាបាននិយាយថា ឡុង ថាវរី កាលពីប៉ុន្មានខែមុននេះ បានចំណាយលុយមិនតិចជាងពាន់ដុល្លារនោះទេ ដើម្បីកែខៃរូបសម្រស់ និងធ្វើខ្ទង់ច្រមុះនៅប្រទេសថៃឲ្យកាន់តែមានភាពស្រស់ស្អាតបន្ថែមទៀត ខណៈដែលដំណឹងនេះត្រូវបានកញ្ញា ឡុង ថាវរី លាក់បាំងពុំឲ្យនរណាម្នាក់បានដឹងនោះឡើយ។
ប្រភពបាននិយាយទៀតថា កាលពីកន្លងមកនេះ អតីតកញ្ញាឯក Miss Nikonចំណាត់ថ្នាក់លេខ៣ និងបច្ចុប្បន្ន គឺជាតារាសម្ដែងស្រីរូបស្រស់សោភាកញ្ញា ឡុង ថាវរី បានចេញពីស្រុកខ្មែរទៅស្នាក់នៅប្រទេសថៃជិតមួយសប្ដាហ៍ ដើម្បីធ្វើការកែសម្ផស្ស និងខ្ទង់ច្រមុះឲ្យកាន់តែមានខ្ទង់ ស្រស់ស្អាតជាងធម្មតា។
ដោយឡែក បើតាមការសង្កេតឃើញពីមហាជនអ្នកគាំទ្រកញ្ញា ឡុង ថាវរី ក្រោយពីកែខ្ទង់ច្រមុះ និងកែកុនរូបសម្ផស្សមកនោះ នាងហាក់មានយីអ៊ុនឡើងខ្ពស់ជាងមុន ទាំងអាជីពសម្ដែងសិល្បៈ និងរឿងរ៉ាវស្នេហាផ្ទាល់ខ្លួន។ មិនតែប៉ុណ្ណោះ បច្ចុប្បន្ននាងក៏សម្បូរអ្នកតាមប្រមាញ់សុំស្នេហ៍ទៀតផង។ ស្របពេលដំណឹងស្នេហ៍រវាងនាង ជាមួយតារាចម្រៀងលោក អីណូ បានស្ងប់ស្ងាត់បាត់សូន្យឈឹងវិញនោះ។
ជុំវិញព័ត៌មានលេចឮខាងលើនេះ កម្ពុជាថ្មី មិនទាន់អាចទាក់ទងដើម្បីធ្វើការសួរនាំពីកញ្ញា ឡុង ថាវរី បាននៅឡើយទេ នៅរសៀលថ្ងៃទី២៤ ខែកក្កដា ឆ្នាំ២០១៥នេះ។ សង្ឃឹមថា ក្រោយពីទទួលបានព័ត៌មាននេះ ថាវរី នឹងចេញមុខបកស្រាយប្រាប់មហាជនឲ្យដឹងច្បាស់ពីការពិត៕
ឡុង ថាវរី ធ្លាប់ចេញទៅកែសម្ផស្សនៅថៃ
0 Comments