ភ្នំពេញ ៖ មុខសញ្ញាជំនាញខាងគាស់ផ្ទះចូលលួចយកសម្បត្តិទ្រព្យ មានតម្លៃរបស់គេម្នាក់ ត្រូវបាននគរបាលខណ្ឌ ដូនពេញបញ្ជូនទៅតុលាការជាធានីភ្នំពេញ កាលពីព្រឹកថ្ងៃទី២២ ខែកក្កដាឆ្នាំ២០១៥នេះបន្ទាប់ពីចាប់បង្ក្រាបក្នុងសកម្មភាពជាក់ស្តែង ហើយត្រូវបានប្រជាពលរដ្ឋព្រួតគ្នាវាយបណ្តាលឲ្យរងរបួសធ្ងន់ធ្ងរទៀតផងនោះ។
សមត្ថកិច្ចបានឲ្យដឹងថាជនសង្ស័យរូបនោះឈ្មោះតំ សម្បត្តិ ហៅរ៉ាត់ ភេទប្រុសអាយុ៣៤ឆ្នាំមុខរបរកម្មករសំណង់ស្នាក់នៅផ្ទះលេខ១៣០Ezផ្លូវលេខ៥៣សង្កាត់ផ្សារថ្មិ៣ខណ្ឌដូនពេញ។ ត្រូវបានដកហូតវត្ថុតាងប្រដាប់ប្រដាសម្រាប់ធ្វើសកម្មភាពដូចជាដង្កាប់អូតូម៉ាទិច កូនសោខ្សៀ និងកន្ត្រៃ រួមទាំងកូនសោរ ម៉ូតូនិងដែកសម្រាប់ឆ្កឹះសោទ្វារផ្ទះ។ ចំណែកជនរងគ្រោះឈ្មោះរស់ តុល ភេទប្រុសអាយុ៤០មុខរបរម្ចាស់ឡឥដ្ឋស្នាក់នៅផ្ទះកើតហេតុ គឺពុំបានបាត់បង់អ្វីឡើយ។
សមត្ថកិច្ចបានបន្តទៀតថា កាលពីម៉ោង០២និង៣០នាទីយប់រំលងអាធ្រាត្រឈានចូលថ្ងៃទី២១ខែកក្កដា ឆ្នាំ២០១៥នៅចំណុចផ្ទះលេខ១២E៣ផ្លូវលេខ៥៣ក្នុងសង្កាត់ផ្សារថ្មី៣ ខណ្ឌដូនពេញខណៈក្រុមគ្រួសារជនរងគ្រោះកំពុងតែដេកលង់លក់ស្រាប់តែជនសង្ស័យ បានមកធ្វើសកម្មភាពគាស់ទ្វារផ្ទះបំរ៉ុងចូលលួចយករបស់ទ្រព្យមានតំលៃប៉ុន្តែពេល នោះ ត្រូវបានប្អូនស្រីរបស់ជនរងគ្រោះដឹងទាន់ក៏ស្រែកឆោឡោព្រមទាំងរត់ ដេញតាមហើយក៏ត្រូវបានប្រជាពលរដ្ឋជិតខាងជួយអន្តរាគមន៍ចាប់បានជនសង្ស័យរូបនោះភ្លាមៗ ហើយព្រួតគ្នាវាយទាល់តែបែកមុខម៉ាត់និងបែកក្បាលហើយទើបនាំខ្លួនយកមកប្រគល់ជូនកម្លាំងសមត្ថកិច្ចនគរបាលប៉ុស្តិ៍ថ្មី៣ដើម្បីចាត់ការតាមផ្លូវច្បាប់តែម្តង៕
កម្លាំងនគរបាលខណ្ឌដូនពេញ បញ្ជូនមុខសញ្ញាជំនាញខាងគាស់ផ្ទះ ទៅតុលាការដើម្បីចាត់ការទៅតាមនីតិវិធី
0 Comments