តាមប្រភពព័ត៌មានពីមន្ត្រីគយច្រកអន្តរជាតិប៉ោយប៉ែតបានឲ្យដឹងថា ពិធីប្រកាសផ្លាស់ប្ដូរតំណែងលោក ឈួន ហៃ ប្រធានការិយាល័យគយ និងរដ្ឋករច្រកអន្តរជាតិប៉ោយប៉ែត នឹងរៀបចំធ្វើនៅសណ្ឋាគារ លី ហេងឆាយ នាព្រឹកថ្ងៃទី២២ ខែកក្កដាខាងមុខនេះ ដោយលោកត្រូវបានទៅកាន់តំណែងជាអនុប្រធានសាខាគយខេត្តតាកែវ ដែលតំណែងនេះធំជាងដំណែងបច្ចុប្បន្ន។ ហើយប្រភពបានឲ្យដឹងទៀតថា ចំពោះតំណែងលោក ឈួន ហៃ ត្រូវជំនួសមកវិញនូវអនុប្រធានការិយាល័យគយច្រកបាវិត គឺលោក ហ៊ុយ សុជាតិ។
សូមបញ្ជក់ថា លោក ឈួន ហៃ ដែលត្រូវបានថ្នាក់លើធ្វើការផ្លាស់ប្ដូរនេះ កន្លងមកត្រូវបានលោក គោស៊ុំ សារឿត អភិបាលខេត្តបន្ទាយមានជ័យតែងលើកសរសើរពីលោកថា បានប្រមូលពន្ធគយលើសផែនការដល់ទៅ៣%។ ជាមួយនឹងគ្នានេះដែរ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានលើកទ្បើងកាលដែលសម្ដេចមកបើកការដ្ឋានស្ថាបនាផ្លូវព្រំដែនទល់មុខទីតាំងដែលត្រូវបើកច្រកស្ទឹងបត់៕
លោក ឈួន ហៃ ពូកែប្រមូលពន្ធលើសផែនការ ត្រូវបានការកោតសរសើរពីថ្នាក់ដឹកនាំ និងផ្លាស់ប្ដូរទៅទីតាំងផ្សេង
0 Comments