បន្ទាយមានជ័យ ៖ ខេត្តបន្ទាយមានជ័យឆ្នាំនេះគ្មានអ្នកស្លាប់ ដោយសារគ្រោះថ្នាក់ចរាចរណ៍ ហើយថែមទាំងអត្រាគ្រោះថ្នាក់ថយចុះរហូតដល់៤៤% បើប្រៀបធៀបដូចគ្នាក្នុងឱកាសបុណ្យភ្ជុំបិណ្ឌរយៈពេល៥ថ្ងៃនៃឆ្នាំ២០១៤។
លោក សួន នីប៉ូនាយរងការិយាល័យនគរបាលចរាចរណ៍ជើងគោក នៃស្នងការនគរបាលខេត្តបន្ទាយមានជ័យ បានឲ្យដឹងថា សម្រាប់រយៈពេល៥ថ្ងៃគិតចាប់ពីថ្ងៃ៩ដល់ថ្ងៃ១៣ ខែតុលា ឆ្នាំ២០១៥នាបុណ្យភ្ជុំបិណ្ឌខេត្តបន្ទាយមានជ័យមានករណីគ្រោះថ្នាក់ចរាចរណ៍កើតឡើងចំនួន៥ករណីដែលសុទ្ធតែជាប្រភេទធ្ងន់ហើយកើតឡើងរវាងរថយន្តធំ និងម៉ូតូ រថយន្តតូចនិងម៉ូតូ ម៉ូតូ និងម៉ូតូ ម៉ូតូនិងថ្មើរជើង។ គ្រោះថ្នាក់ចរាចរណ៍នេះផងដែលមិនបណ្តាលឲ្យមនុស្សណាម្នាក់ស្លាប់ឡើយដោយគ្រាន់តែបង្កឲ្យមនុស្ស៥នាក់របួសធ្ងន់និងម៉ូតូខូចខាត់ធ្ងន់១គ្រឿង និងស្រាលខូចស្រាល៥គ្រឿងឯរថយន្តតូចនិងធំពីគ្រឿងខូចស្រាល។
ចំពោះគ្រោះថ្នាក់ចរាចរណ៍នេះដែរបើប្រៀបធៀបទៅ និងបុណ្យភ្ជុំបិណ្ឌដូចគ្នាឆ្នាំ២០១៤ដែលមាន៩ករណីគឺឆ្នាំ២០១៥មានកាតថយចុះ៤ករណីស្មើនិង៤៤%ហើយទាំងពីរឆ្នាំនេះសុទ្ធតែគ្មានមនុស្សស្លាប់ដូចគ្នា។
លោក សន គឹមសួគ៌ ប្រធានការិយាល័យនគរបាលចរាចរណ៍ជើងគោក នៃស្នងការនគរបាលខេត្តបន្ទាយមានជ័យមូលហេតុដែលនាំឲ្យកើតមានគ្រោះថ្នាក់ចរាចរកើតឡើងដោយសារការបើកបរក្នុងល្បឿនលឿន បត់ឆ្វេងនិងស្តាំមិនប្រយ័ត្នព្រមទាំងមិនប្រកាន់ស្តាំ។ ហើយកាលដែលគ្រោះថ្នាក់ចរាចរថយចុះក៏ដោយសារប្រជាពលរដ្ឋបានយល់ដឹងច្បាស់ពីច្បាប់ចរាចរណ៍ ដែលការិយាល័យជំនាញបានចុះផ្សព្វផ្សាយតាមរយៈគោលនយោបាយភូមិឃុំមានសុវត្ថិភាពតាមសាលារៀន និងតាមភូមិ។មិនថែមតែប៉ុណ្ណោះក៏ដោយសារការដាក់ផែនការរបស់លោក ស្នងការក្នុងការការពារតាមគោលដៅនានានិងការឃាត់ចាប់ម៉ូតូដែលបើកលឿនថែមទាំងមានសំឡេងឮ៕
គ្មានអ្នកស្លាប់ដោយគ្រោះថ្នាក់ចរាចរណ៍នៅខេត្តបន្ទាយមានជ័យ
0 Comments