ស្ទឹងត្រែង ៖ នៅវេលាម៉ោង៥និង១០នាទី ថ្ងៃទី១៤ ខែតុលា ឆ្នាំ២០១៥ នគរបាលប៉ុស្តិ៍ខ្សាច់ថ្មី នៅឃុំតាឡាត បានបញ្ជូនជនសង្ស័យ៥នាក់ទៅស្នងការពាក់ព័ន្ធនឹងការកាប់គោប្រជាពលរដ្ឋស៊ី ។ ជនសង្ស័យទាំងនេះបានដាក់អន្ទាក់ជាប់គោរបស់ប្រជាពលរដ្ឋហើយនាំគ្នាកាប់គោស៊ី ចំណែកគោនេះជារបស់ជំទប់ឃុំទី១។
សេចក្តីរាយការណ៍បានឲ្យដឹងថា ដោយសារតែមានពាក្យបណ្ដឹងពីប្រជាពលរដ្ឋ ទើបកម្លាំងសមត្ថកិច្ចប៉ុស្តិ៍បានចុះឃាត់ខ្លួនជនសង្ស័យទាំង៥នាក់បញ្ជូនមកកាន់ស្នងការនគរបាលដ្ឋាននគរបាលខេត្ត។
ខណៈពេលនេះកម្លាំងសមត្ថកិច្ចកំពុងធ្វើការសាកសួរជនសង្ស័យទាំង៥នាក់នេះ។ ចំណែកការឃាត់ខ្លួនគឺនៅចំណុចភូមិខ្សាច់ថ្មី ឃុំតាឡាត ខេត្តស្ទឹងត្រែង៕
បញ្ជូនខ្លួនជនសង្ស័យ៥នាក់ទៅស្នងការពាក់ព័ន្ធនឹងកាប់គោប្រជាពលរដ្ឋស៊ី
0 Comments