កូរ៉េខាងជើង មិនខ្វល់ខ្វាយចាប់អារម្មណ៍អ្វីទាំងអស់នៅក្នុងការពិភាក្សាសន្ទនាគ្នាមួយ ដែលធ្វើឡើងរវាងប្រទេសអ៊ីរ៉ង់ ជាមួយនឹងសហរដ្ឋអាមេរិក ដើម្បីស្វែងរកដំណោះស្រាយស្ដីអំពីសមត្ថភាពនុយក្លេអ៊ែររបស់អ៊ីរ៉ង់នោះ។ ក្រសួងការបរទេសនៃប្រទេសដែលដាច់ខ្លួនឆ្ងាយពីគេ (កូរ៉េខាងជើង) បាននិយាយយ៉ាងដូច្នេះនៅក្នុងសេចក្ដីប្រកាសថ្លែងការណ៍មួយកាលពីថ្ងៃអង្គារ។
សេចក្ដីប្រកាសថ្លែងការណ៍នោះ និយាយបន្ដ ហើយត្រូវបានចុះផ្សាយដោយបណ្ដាញផ្សព្វផ្សាយរបស់រដ្ឋ ប៉ុន្ដែបែរជាលើកយកមកបង្ហាញថា នេះជាការនិយាយរបស់អ្នកនាំពាក្យនៃក្រសួងការបរទេសកូរ៉េខាងជើងតែប៉ុណ្ណោះ ដែលមានខ្លឹមសារជាអាទិ៍ថា ៈ វាមិនមែនជាភាពឡូហ្សុិក ដើម្បីធ្វើការប្រៀបធៀបរវាងស្ថានភាពរបស់យើង (កូរ៉េខាងជើង) ជាមួយនឹងកិច្ចព្រមព្រៀងនុយក្លេអ៊ែរអ៊ីរ៉ង់នោះឡើយ ពីព្រោះថា យើងជាមុខសញ្ញានៃការបង្ករឿងហេតុ ដោយអំពើប្រព្រឹត្ដបែបឃោរឃៅរបស់កងទ័ពសហរដ្ឋអាមេរិក ក្នុងនោះរួមមានលំហាត់យោធារួមគ្នាដ៏ធំមួយ ព្រមទាំងការគំរាមកំហែងដល់ហេតុផលនុយក្លេអ៊ែរថែមទៀតផង។ យើងមិនមានការចាប់អារម្មណ៍អ្វីណាមួយសោះឡើយ ចំពោះកិច្ចសន្ទនាពិភាក្សា ដែលត្រូវបានធ្វើជាឯកតោភាគី ដើម្បីបង្កកបញ្ហានោះ។
គួររំលឹកថា សហរដ្ឋអាមេរិក ព្រមទាំងមហាអំណាចទាំង៥ផ្សេងទៀត បានធ្វើឲ្យមានដំណោះស្រាយជាប្រវត្ដិសាស្ដ្រមួយ ជាមួយនឹងប្រទេសអ៊ីរ៉ង់ កាលពីសប្ដាហ៍កន្លងមកនេះ ដែលនឹងឈានទៅរកការកម្រិតសមត្ថភាពនុយក្លេអ៊ែររបស់ប្រទេសអ៊ីរ៉ង់ គឺជាការប្ដូរគ្នានឹងការដកទណ្ឌកម្មទាំងឡាយ។
ដោយឡែកប្រទេសអ៊ីរ៉ង់ ក៏បានចុះកិច្ចព្រមព្រៀងដែលនោះហើយ គឺជាមហាជោគជ័យនយោបាយដ៏ធំធេងចំពោះប្រធានាធិបតីនៃសហរដ្ឋអាមេរិក លោកបារ៉ាក់ អូបាម៉ា ដែលធ្លាប់បានសន្យាអស់ពេលជាយូរថា នឹងចាត់ការទៅលើសត្រូវប្រវត្ដិសាស្ដ្រ ក្នុងនោះក៏មានកូរ៉េខាងជើងផងដែរ។
ដំណោះស្រាយនោះ គឺត្រឡប់មកវិញទទួលបាននូវការដកទណ្ឌកម្មដោយសហរដ្ឋអាមេរិកនិងសហភាពអឺរ៉ុប ដែលបានគាបទៅលើសេដ្ឋកិច្ចរបស់អ៊ីរ៉ង់ ហើយអ៊ីរ៉ង់ ក៏ត្រូវតែទទួលយកនូវ ការកំហិតរយៈពេលវែង អំពីកម្មវិធីនុយក្លេអ៊ែររបស់ខ្លួនផងដែរ។
រីឯកូរ៉េខាងជើង ក៏ទទួលរងការដាក់ទណ្ឌកម្មយ៉ាងធ្ងន់ផងដែរ ដោយសហរដ្ឋអាមេរិក សហភាពអឺរ៉ុប ព្រមទាំងអង្គការសហប្រជាជាតិ ចំពោះបញ្ហាដែលខ្លួនបន្ដកម្មវិធីនុយក្លេអ៊ែរ និងកម្មវិធីកាំជ្រួចមីស៊ីលបាលីស្ទីក។
សេចក្ដីប្រកាសថ្លែងការណ៍របស់កូរ៉េខាងជើង ក៏បានទាំងនិយាយផងដែរថា ពិតណាស់ហើយ យើងគឺជាមហាអំណាចនុយក្លេអ៊ែរមួយ ហើយមហាអំណាចនុយក្លេអ៊ែរផ្សេងទៀត គេក៏មានផលប្រយោជន៍ផ្ទាល់រៀងខ្លួនផងដែរ៕
Reuters
កូរ៉េខាងជើងនិយាយថា មិនខ្វល់ខ្វាយចាប់អារម្មណ៍នៅក្នុងកិច្ចពិភាក្សានុយក្លេអ៊ែរ រវាងអ៊ីរ៉ង់ និងសហរដ្ឋអាមេរិក
0 Comments