សៀមរាប ៖ នៅរាត្រីថ្ងៃទី ០៨ ខែមករា ឆ្នាំ២០១៥ នៅសណ្ឋាគារសុខាល័យអង្គរខេត្តសៀមរាបមានធ្វើពិធីលៀងសាយភោជន ជូនដល់គណៈប្រតិភូគណៈកម្មាធិការអូឡាំពិកដែលអញ្ជើញចូលរួមសិក្ខាសាលាភាពជាអ្នកដឹកនាំសម្រាប់ស្ត្រីក្នុងវិស័យកីឡានៅអាស៊ីដោយមានមន្ត្រីថ្នាក់ដឹកនាំជាស្ត្រីចំនួន២៧ប្រទេសក្នុងទ្វីបអាស៊ី។ ក្នុងពិធីលៀងសាយភោជននារាត្រីនោះ ក៏មានវត្តមានអញ្ជើញចូលរួមរបស់លោក ឃឹម ប៊ុនសុង អភិបាល នៃគណៈ អភិបាលខេត្ត លោកស្រី ម៉ក់ វណ្ណស៊ីថា អភិបាលរងរាជធានីភ្នំពេញ និងជាប្រធានគណៈកម្មការស្ត្រីនិងកីឡា។
បន្ទាប់ពីកិច្ចស្វាគមន៍របស់លោកជំទាវម៉ក់វណ្ណស៊ីថាអភិបាលរងរាជធានីភ្នំពេញនិង ជាប្រធានគណៈកម្មការស្ត្រីនិងកីឡា រួចមក តាងនាមឲ្យក្រសួងទេសចរណ៍និងគណៈកម្មាធិការជាតិអូឡាំពិកកម្ពុជា លោកឃឹម ប៊ុនសុងបានមានសេចក្តីសោមនស្សរីករាយក្រៃលែង សូមស្វាគមន៍គណៈប្រតិភូទាំងអស់ដែលបានអញ្ជើញចូលរួមក្នុងពិធីលៀងសោយភោជនប្រកបដោយបរិយាកាសរីករាយនៃការជួបជុំបណ្តាស្ត្រីដែលជាអ្នកដឹកនាំក្នុងវិស័យកីឡានៅអាស៊ី។ លោកបានគូសបញ្ជាក់ថា សិក្ខាសាលារយៈពេល៤ថ្ងៃនេះជាការបោះជំហ៊ានទៅមុខរបស់កម្ពុជាក្នុងការលើកកម្ពស់សមត្ថភាពស្ត្រីក្នុងវិស័យកីឡាស្របទៅតាមគោលនយោបាយសមភាពយេនឌ័ររបស់រាជរដ្ឋាភិបាលកម្ពុជាដែលតែងតែយកចិត្តទុកដាក់ជំរុញការអនុវត្តឲ្យបានគ្រប់ស្ថាប័ន គ្រប់វិស័យពិសេសក្នុងកិច្ចការនយោបាយ។ ក្នុងនោះដែរលោក ឃឹម ប៊ុនសុង ក៏បានលើកឡើងថា ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់សម្តេចតេជោហ៊ុន សែន នាយករដ្ឋមន្ត្រីទទួលបានសន្តិភាព ស្ថេរភាពនយោបាយទូទាំងប្រទេស និងកំណើនសេដ្ឋកិច្ចក្នុងអត្រាប្រមាណ ៧% ប្រចាំឆ្នាំ។ ម្យ៉ាងទៀត វិស័យទេសចរណ៍គឺជាវិស័យមួយដែលបានរួមចំណែកដល់កំណើនសេដ្ឋកិច្ចសំខាន់វិស័យទេសចរណ៍នៅលើទឹកដីប្រវត្តិសាស្ត្រសៀមរាបបានកំពុងទាក់ទាញនូវអារម្មណ៍ភ្ញៀវទេសចរចូលមកទស្សនាកម្សាន្តក្នុងឆ្នាំ២០១៤ទេសចរជាតិអន្តរជាតិមកទស្សនាកម្ពុជាប្រមាណ៤,៤លាននាក់។ លោកឃឹម ប៊ុនសុងបន្តទៀតថា ចំនួនកើនឡើងគួរកត់សម្គាល់ ក្រសួងទេសចរណ៍ ក៏ដូចជាគណៈកម្មាធិការជាតិអូឡាំពិកកម្ពុជាបានគិតគូរជ្រើសរើសតំបន់សៀមរាបដើម្បីទទួលធ្វើជាម្ចាស់ផ្ទះនៃព្រឹត្តិការណ៍កីឡាទេសចរណ៍ និងកិច្ចប្រជុំអន្តរជាតិស្តីពីកីឡាឲ្យបានកាន់តែច្រើនបន្ថែមលើព្រឹត្តិការណ៍ដែលយើងបានរៀបចំកន្លងមកដូចជាព្រឹត្តិការរត់ម៉ារ៉ាតុនអន្តរជាតិអង្គរ ពាក់កណ្តាលម៉ារ៉ាតុនអង្គរ ព្រឹត្តិការណ៍ប្រណាំងកង់អង្គរក៏ដោយការយកចិត្តទុកដាក់ខ្ពស់របស់រាជរដ្ឋាភិបាលក៏ដូចអាជ្ញាធរខេត្តលើការងារសន្តិសុខសណ្តាប់ធ្នាប់សុវត្ថិភាពជូនភ្ញៀវទេសចរសំខាន់សន្តិសុខទេសចរណ៍ និងការអភិវឌ្ឍន៍ទីក្រុងប្រវត្តិសាស្ត្រនេះឲ្យកាន់តែស្រស់បំព្រងឡើងក្នុងការទទួលស្វាគមន៍ភ្ញៀវទេសចរចូលមកទស្សនាកម្សាន្ត។ លោកក៏បានបន្តទៀតថា ជាមួយនឹងសក្ដានុពលដ៏ទាក់ទាញតំបន់សៀមរាប អង្គរនឹងក្លាយជាគោលដៅដ៏សំខាន់សម្រាប់ធ្វើជាម្ចាស់ផ្ទះនៃព្រឹត្តិការប្រជុំសន្និសីទសិក្ខាសាលាអន្តរជាតិនានាក្នុងវិស័យកីឡានាពេលអនាគតទៀតផង៕
គឿនវ៉េត
0 Comments