ជួបជាមួយ “កម្ពុជាថ្មី” ដោយផ្ទាល់នៅឯស្ទូឌីយោថតបទចម្រៀងរបស់នាងនៅក្បែរភោជនីយដ្ឋានឈូកទិព្វក្រុងភ្នំពេញកាលពីព្រឹកមិញនេះ តារាចំរៀងដែលនិយមច្រៀងបទចម្រៀងសម័យដើមអ្នកនាងមាស លក្ខិណាបាននិយាយថា នាងពិតជាបានចំណាយលុយអស់ខ្ទង់ម៉ឺនដុល្លារដើម្បីបើកស្ទូឌីយោនេះឡើងដោយមិនមានការជួយទំនុកបំរុងពីនរណាម្នាក់ឡើយ។ កត្តាដែលនាំឲ្យនាងសម្រេចចិត្តយកប្រាក់ដែលសន្សំទុកពីអាជីពសិល្បៈមកបើកស្ទូឌីយោនេះក៏ព្រោះតែនាងយល់ឃើញថា នៅថ្ងៃមុខប្រសិនបើការងារសិល្បៈរបស់នាងមិនរលូននោះនាងអាចមកគ្រប់គ្រងស្ទូឌីយោវិញក៏បាន។
តារាចម្រៀងដែលមានទម្រង់មុខស្រដៀងតួកុនអ្នកនាងវិជ្ជរ៉ា ដានីរូបនេះបញ្ជាក់ថា តាមការពិតទៅស្ទូឌីយោថតបទចម្រៀងរបស់នាងបានបើកឡើងជាយូរមកហើយ ក៏ប៉ុន្តែស្ថិតក្នុងលក្ខណៈតូចល្មមគឺទើបតែពេលនេះនាងបានចំណាយប្រាក់ដើម្បីទិញសម្ភារៈទំនើបៗដាក់បន្ថែម។ មាស លក្ខិណាបញ្ជាក់ទៀតថា ប្រសិនបើមានបងប្អូនណាចង់មកច្រៀងលេងឬក៏ចង់ថតបទចម្រៀងនោះអាចមកកន្លែងរបស់នាងបាន ពោលស្វាគមន៍ជានិច្ច ហើយក៏សូមអរគុណផងដែរចំពោះមិត្តសិល្បករ ការិនីនិងទស្សនិកជនទាំងអស់ដែលបានមកច្រៀងលេងក៏ដូចជាថតបទចម្រៀងនៅស្ទូឌីយោរបស់នាងដែលមានទីតាំងនៅក្បែរភោជនីយដ្ឋានឈូកទិព្វនេះ៕
មាសលក្ខិណាចំណាយប្រាក់បើកស្ទូឌីយោថតបទចម្រៀងអស់រាប់ម៉ឺនដុល្លារ
0 Comments