អ្នកនាងឱក បូរីកំពុងតែរស់នៅលើគំនរទ្រព្យដ៏ស្តុកស្តម្ភ និងទទួលបាននូវការថ្នាក់ថ្នមពីស្វាមីយ៉ាងផ្អែមល្ហែមផងដែរ ហើយរាល់ការបង្ហាញមុខនៅក្នុងកម្មវិធីមិត្តភក្តិអ្នកសិល្បៈមួយចំនួននោះនាងបានបង្ហាញនូវភាពហ៊ឺហា និងភាពស្រស់ស្អាតរំលេចដោយមាសពេជ្រទាំងឈុតៗជិះឡានទំនើបៗ ជាពិសេសមានអង្គរក្សហែហមអមដំណើរឆ្វេងស្ដាំថែមទៀតផង ជាក់ស្ដែងដូចជាថ្ងៃការប្អូនប្រុសរបស់ពិធីការិនីយុគ ចិន្តាគេឃើញអ្នកនាងឱក បូរី កូនស្រី និងស្វាមីចុះពីលើឡានតម្លៃកប់ពពកដោយមានអង្គរក្សបើកទ្វារឲ្យដែលមើលទៅពិតជាគួរឲ្យច្រណែននឹងនាងណាស់។
ទោះជាអតីតតារាសិល្បៈ ដែលធ្លាប់មានឈ្មោះបោះសំឡេងអ្នកនាងឱក បូរីមិនព្រមផ្តល់បទសម្ភាសន៍ដល់អ្នកកាសែតទាក់ទងនឹងជីវិតឯកជនរបស់នាងក្តី ក៏គេអាចកាត់ស្មានបានថា នាងកំពុងតែមានសុភមង្គលខ្លាំងណាស់សាច់ឈាមស្រស់ថ្លាតាមរបៀបអ្នករស់នៅក្នុងវិឡារដ៏ស្កឹមស្កៃ។ បើតាមមិត្តភក្តិជិតដិតរបស់នាងបានបង្ហើបឲ្យដឹងថា ឱក បូរីនាងពិតជាងមានសំណាងណាស់ដែលមានស្វាមីស្រឡាញ់ថ្នាក់ថ្នមផ្តល់នូវអ្វីៗគ្រប់យ៉ាងសម្រាប់នាង មិនតែប៉ុណ្ណោះថែមទាំងបានបណ្តើរគ្នាដូចគូស្នេហ៍កំលោះក្រមុំចូលរួមក្នុងកម្មវិធីសិល្បៈតូចធំថែមទៀតផង។
ប្រភពបន្តទៀតថា ក្រោយពេលបានដកខ្លួនពីអាជីពសិល្បៈជាងមួយទសវត្សរ៍មកនេះអ្នកនាងឱក បូរីបានសាងចំណងស្នេហ៍ស្ងាត់ៗជាមួយស្វាមីឈ្មោះស៊ុត តារា ដែលជាមន្ត្រីក្រសួងពាណិជ្ជកម្មដែលរហូតមកដល់ពេលនេះមានកូនស្រី៣នាក់ទៅហើយ។ គេនិយាយទៀតថា «ឱក បូរីនាងពិតជាមានវាសនាខ្ពស់ណាស់ដែលអាចធ្វើឲ្យជីវិតរបស់ខ្លួនក្លាយទៅជាសេដ្ឋីនីដោយមិនដឹងខ្លួន»៕
ឱកបូរីបង្ហាញមុខប្តី និងភាពហ៊ឺហាស្ទើរគ្រប់កម្មវិធីសិល្បៈ
0 Comments