តារាចម្រៀងពូកែលេងស្ទីលរាំបែបក្រមិចក្រមើមលោកជុំ លីណូអំទ្បុងរយៈពេលជាងមួយឆ្នាំក្រោយពីចូលខ្លួននៅក្នុងផលិតកម្មថ្មីDiamond Musicគឺហាក់មានភាពលេចធ្លោខ្លាំងនៃការបង្ហាញវត្តមាននៅតាមបណ្តាកម្មវិធីប្រគំតន្ត្រីរបស់ស្ថានីយទូរទស្សន៍នានាក៏ដូចការប្រគំតន្ត្រីនៅខេត្តជិតឆ្ងាយកាលពីរដូវប្រាំងកន្លងមក។ ខណៈCDនឹងVCDបទចម្រៀងជាច្រើននៅក្នុងផលិតកម្មថ្មីកំពុងតែចរាចរណ៍ដាក់លក់លើទីផ្សារដែលទទួលបានការគាំទ្រយ៉ាងគគ្រឹកគគ្រេងពីមិត្តយុវវ័យសម័យឧទាហរណ៍បទ លេងខ្លួនដូចតារាជាដើម…..។
លោក ជុំ លីណូ បានប្រាប់កម្ពុជាថ្មីតាមទូរស័ព្ទនៅរសៀលថ្ងៃទី១ ខែកក្កដា នេះថា ចូលរដូវនេះរយាលបន្តិចព្រោះមិនសូវមានកម្មវិធីប្រគំតន្ត្រីច្រើនទេ។ ប៉ុន្តែបើតាមប៉ុស្តិ៍ទូរទស្សន៍មានគេទាក់ទងហៅឡើងច្រៀងច្រើនណាស់។
តារាចម្រៀងលោក ជុំ លីណូ បាននិយាយទៀតថា ខ្ញុំមួយរយៈនេះមមាញឹកច្រើនលើការឡើងចម្រៀងតាមប៉ុស្តិ៍ទូរទស្សន៍។ ចំណែកឯការចេញច្រៀងតាមខេត្តឬការប្រគំតន្ត្រីដែលរៀបចំឡើងដោយក្រុមហ៊ុនផ្សព្វផ្សាយផលិតកម្មក្នុងស្រុកគឺមិនសូវមានទេ។
លោក ជុំ លីណូ បានបន្ថែមថា ខ្ញុំរាល់ថ្ងៃទំនេរពីការឡើងច្រៀងតាមប៉ុស្តិ៍ទូរទស្សន៍យើងក៏រវល់ផងដែរក្នុងការសម្ងំសម្រុកហាត់ក្បាច់រាំថ្មីៗពិសេសនឹងប្លែកដើម្បីកុំឲ្យមើលឃើញតែភាពដដែលៗអាចធ្វើស៊ាំភ្នែកមហាជនអ្នកគាំទ្រ។ ដូច្នេះហើយទើបខំព្យាយាមហាត់បន្ថែមទាំងការចម្រៀង-ក្បាច់រាំ។
តារាចម្រៀងលោក ជុំ លីណូ បន្ទាប់ពីប្រើស្ទីលរាំរែកបែបប្លែកៗចម្លងស្ទីលយកតាមតារាចម្រៀងបរទេសល្បីឈ្មោះលោកម៉ៃឃើលជែកសុ មកនោះឃើញថាបានធ្វើឲ្យទស្សនិកជន និងអ្នកគាំទ្រភ្ញាក់ផ្អើលនឹងចាប់អារម្មណ៍ខ្លាំងចំពោះការបញ្ចេញក្បាច់រាំនៅលើឆាកប្រគំតន្ត្រីទាំងនៅលើស្ថានីយន៍ប៉ុស្តិ៍ទូរទស្សន៍ និង ការចេញចម្រៀងតាមខេត្តមួយចំនួន៕
ជុំ លីណូ នៅតែមានឱកាសកើបលុយទោះបីរដូវភ្លៀងចូលមកដល់
0 Comments