កងកម្លាំងសន្ដិសុខនៅក្នុងអង្គភាពចារកម្មមួយដែលបើកប្រតិបត្ដិការនោះ បានបំបែកក្រុមភេរវកម្ម ដែលឧបត្ថម្ភដោយបរទេស ដែលលបធ្វើអំពើអាក្រក់មិនបានសម្រេច ចំពោះអំពើបំផ្លិចបំផ្លាញដោយចេតនា នាពេលប្រារព្ធពិធីបុណ្យឯករាជ្យការ៉ាជី។
ក្រុមភេរវកម្ម ធ្លាប់តែងតែរៀបចំផែនការបើកការវាយប្រហារ ព្រមទាំងបានត្រៀមរៀបចំគ្រឿងផ្ទុះបង្កប់នៅក្នុងរថយន្ដ និងមូ៉តូ ដែលត្រៀមជាស្រេច ដើម្បីយកទៅប្រើនៅទិវាបុណ្យឯករាជ្យនោះ។
នៅពេលសួរចម្លើយ ក្រុមដែលជាប់សង្ស័យពាក់ព័ន្ធទៅនឹងអំពើភេរវកម្មនោះ បានសារភាពថា រថយន្ដទាំងឡាយបានរៀបចំរួចជាស្រេចយកមកពីរដ្ឋការ៉ាជី ហើយគេគ្រាន់តែរង់ចាំក្រុមបំផ្ទុះគ្រាប់បែកអត្ដឃាតដែលធ្វើដំណើរពីអាហ្វហ្គានីស្ថាន មកកាន់ការ៉ាជីនោះតែប៉ុណ្ណោះ។
ទន្ទឹមពេលជាមួយគ្នានោះ អធិការប៉ូលិសការ៉ាជី លោក Mushtaq Mehar បានបើកជំនួបប្រជុំផ្នែកសន្ដិសុខមួយនៅឯការិយាល័យលោក ដើម្បីត្រៀមវិធានការការពារដោយប្រុងប្រយ័ត្ន រួមជាមួយនឹងការពង្រឹងសន្ដិសុខ សម្រាប់ពិធីបុណ្យទិវាឯករាជ្យដែលនឹងឈានមកដល់នៅពេលខាងមុខនេះ។
ដើម្បីជាការធានាសន្ដិសុខ ការតាមដានត្រួតពិនិត្យយ៉ាងល្អិតល្អន់ត្រូវបានធ្វើឡើងនៅ Mazar-e-Quaid ព្រមទាំងសំណង់អគារដ៏សំខាន់ៗផ្សេងៗទៀត។
លោក Mushtaq Mehar និយាយថា ប៉ូលិសប្រមាណ៤,១០០នាក់ ត្រូវបានត្រៀមលក្ខណៈសម្រាប់ព្រឹត្ដិការណ៍ដ៏ពិសេស ដែលនោះជាការរួមចំណែកមួយនៃវិធានការយ៉ាងតឹងរ៉ឹងដើម្បីអនុវត្ដច្បាប់ និងសណ្ដាប់ធ្នាប់៕
The News
ទិវាបុណ្យឯករាជ្យការ៉ាជី រងការលបភេរវកម្ម ដោយធ្វើមិនបានសម្រេច
0 Comments