ប្រភពពីមជ្ឈដ្ឋានមហាជនអ្នកគាំទ្របាននិយាយថា អ្នកចម្រៀងវ័យក្មេង កញ្ញា សូវណ្ណ នីកា ពេលចូលប្រឡូកសិល្បៈដំបូង មើលទៅនាងមានចរិតឫកពាទន់ភ្លន់ គួរឲ្យចង់រាប់អានណាស់ពាក្យសម្ដីនិយាយចេះគោរពចាស់ទុំ រៀមច្បងសិល្បៈ ផ្ទៃមុខជាប់នូវស្នាមញញឹមជានិច្ច ដែលធ្វើមហាជនជាច្រើនស្រឡាញ់ និងគាំទ្រ។ ម្យ៉ាងទៀត ក្រោយពី សូវណ្ណ នីកា បានលេចឈ្មោះក្នុងសិល្បៈជិតមួយឆ្នាំនេះ នាងក៏កាន់តែមមាញឹក ធ្វើឲ្យតារារូបនេះរីកមុខរីកមាត់ដូចគ្រាប់ជី។
ប៉ុន្តែយ៉ាងណាមិញ បើនិយាយពីអត្តចរិតរបស់នាង ក៏ស្រាប់តែប្រែប្រួលផងដែរ ទន្ទឹមពេលដែលកេរ្តិ៍ឈ្មោះលេចធ្លោលើអាជីពចម្រៀង។ មិនតែប៉ុណ្ណោះ នាងក៏ហាក់បញ្ចេញភាពឆ្មើងឆ្មៃ មិនសូវមាត់.ក វាយឫកខ្លាំង ខុសពីពេលចូលសិល្បៈដំបូង។
តាមប្រភពខ្លះបានលើកឡើងថា បើទោះបីជាពេលនេះ កញ្ញា សូវណ្ណ នីកា កំពុងមានឱកាស ចេញមុខក្នុងទីផ្សារសិល្បៈបន្តិចក៏ពិតមែន ប៉ុន្តែទៅថ្ងៃខាងមុខ នាងច្បាស់ជាស្រុតធ្លាក់ចុះមកវិញផងដែរនូវប្រជាប្រិយភាព និងការគាំទ្រ ស្របដែលការរិះគន់មិនពេញចិត្តពីសំណាក់មហាជនក៏កំពុងមានភាពផ្ទុះឡើងជាបន្តបន្ទាប់។
កម្ពុជាថ្មី មិនអាចស្វែងរកការបកស្រាយពីកញ្ញា សូវណ្ណ នីកា បាននៅឡើយទេ នៅព្រឹកថ្ងៃទី២៩ ខែកក្កដា ឆ្នាំ២០១៥នេះ។ កម្ពុជាថ្មី ស្វាគមន៍ចំពោះការចេញមុខបំភ្លឺពីសំណាក់តារាជើងថ្មី កញ្ញា សូវណ្ណ នីកា នៅពេលក្រោយ៕
សូវណ្ណ នីកា បាត់ទៅណា ស្របពេលសំឡេងរិះគន់កំពុងតែកើតមានឡើង
0 Comments