ការចុះផ្សព្វផ្សាយនេះធ្វើឡើងនៅវេលាម៉ោង៨ព្រឹក ថ្ងៃទី០៨ ខែសីហា ឆ្នាំ២០១៥ ក្នុងសង្កាត់ស្វាយដង្គំ ក្រុងសៀមរាប។
លោកវរសេនីយ៍ទោជឹម សុវណ្ណ នាយការិយាល័យចរាចរណ៍ផ្លូវគោកនៃស្នងការនគរបាលខេត្តសៀមរាបបានឲ្យដឹងថា ការចុះពង្រឹង និងផ្សព្វផ្សាយច្បាប់ចរាចរណ៍នេះដែរគឺដោយមានការចូលរួមសហការយ៉ាងល្អពីសំណាក់ប្អូនៗជាយុវជនកាយរិទ្ធ យុវជនកាកបាទក្រហមខេត្តសៀមរាប ទើបប្រតិបត្តិការនេះទទួលបានជោគជ័យទៅបានយ៉ាងរលូន។
លោកបន្តថា សកម្មភាពចុះផ្សព្វផ្សាយនោះគឺផ្តោតសំខាន់ចំនួនបីទី១ការបើកបរមិនពាក់មួកសុវត្ថិភាព ទី២ហានិភ័យបើកបរក្រោមជាតិស្រវឹង ទី៣.អ្នករួមដំណើរក៏ពាក់មួកសុវត្ថិភាពដែរ។ លោកបន្តថា កម្លាំងសរុបទាំងប៉ូលិសចរាចរណ៍ និងយុវជនទាំងនោះមានចំនួន៤៧នាក់ក្នុងនោះ ស្រី១៧នាក់ និងប្រើប្រាស់ប័ណ្ណផ្សព្វផ្សាយអស់ចំនួន១០៥០សន្លឹក។
ជាការពិតណាស់ពីមួយថ្ងៃទៅមួយថ្ងៃករណីគ្រោះថ្នាក់ចរាចរណ៍បានប្រហារជីវិតមនុស្ស និងរងរបួសជាច្រើននាក់ ដោយគ្មានថមថយសោះឡើយ ហើយក៏ជាជំងឺមួយដ៏កាចសាហាវ ដែលរដ្ឋាភិបាលកំពុងព្រួយបារម្ភ និងព្យាយាមទប់ស្កាត់យ៉ាងខ្លាំងផងដែរ៕
ចុះផ្សព្វផ្សាយច្បាប់ចរាចរណ៍ផ្លូវគោកក្រោមប្រធានបទចំនួនបី
0 Comments