ភ្នំពេញ ៖ នៅរសៀលថ្ងៃទី១៣ ខែសីហា ឆ្នាំ២០១៥ នៅវត្តពោធិព្រឹក្ស (ហៅវត្តខ្ទរ) មានរៀបចំពិធីប្រគល់-ទទួលប័ណ្ណសំគាល់សិទ្ធិកាន់កាប់អចលនវត្ថុ ដល់ វត្តពោធិព្រឹក្ស (ហៅវត្តខ្ទរ) ស្ថិតក្នុងភូមិខ្ទរ សង្កាត់ព្រែកលៀប ក្រោមព្រះអធិបតីភាព សម្តេចព្រះសុមេធាធិបតី នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា និងមានការយាងនិមន្តចូលរួមពី៖ សម្តេចព្រះពោធិវ័ង្ស អំ លឹមហេង សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា, ព្រះញាណវង្ស ឃឹម សន ព្រះមេគណរាជធានីភ្នំពេញ, ព្រះចរណ:វិសុទ្ធិ វេង សេងពេជ្រ ព្រះអនុគណខណ្ឌជ្រោយចង្វារ និងព្រះថេរានុថេរ:ជាច្រើនអង្គទៀត ព្រមទាំងមានការអញ្ជើញចូលរួមពី លោក ឃ្លាំង ហួត អភិបាលនៃគណ:អភិបាលខណ្ឌ លោកប្រាក់ ចាន់ណា ប្រធានក្រុមប្រឹក្សាខណ្ឌ មន្ត្រីរាជការ និងប្រជាពលរដ្ឋប្រមាណ ៦០០នាក់។
លោក ឃ្លាំង ហួត បានលើកឡើងថា រឿងដីវត្តខ្ទរនេះមានបញ្ហាយូរលង់ណាស់មកហើយ ដោយសារតែមានមន្ត្រីខិលខូចមួយចំនួនឃុបឃិតគ្នាជាមួយក្រុមហ៊ុនចង់បានដីវត្តមិនគិតពីបាបបុណ្យអ្វីឡើយ។ លោកបន្តថា ដីវត្តខ្ទរខាងលិចនេះ ព្រះសង្ឃ គណៈកម្មការអាចារ្យវត្ត លោកយាយ លោកតា លោកអ៊ុំ លោកពូ អ្នកមីង និងប្រជាពុទ្ធបរិស័ទចំណុះជើងវត្តទាំងអស់ខិតខំថែរក្សាទុក ដើម្បីប្រើប្រាស់ជាសម្បត្តិរបស់វត្តយូរអង្វែងតទៅទៀត ព្រោះថាដីវត្តដែលស្ថិតនៅខាងកើតផ្លូវជាតិលេខ៦ មានទំហំតូច ហើយងាយរងគ្រោះដោយសារកត្តាធម្មជាតិ បាក់ច្រាំងជារៀងរាល់ឆ្នាំ ដូច្នេះហើយទើបថែរក្សាដីវត្តម្ខាងទៀតដែលនៅជាប់ខាងលិចផ្លូវជាតិលេខ៦ (ដីដែលក្រុមហ៊ុនមានបំណងចង់យកនោះ) ដើម្បីទុកសម្រាប់ពេលណាមានការបាក់ច្រាំងប៉ះពាល់ដល់ដីវត្តដែលនៅខាងកើតផ្លូវ នឹងរើទីវត្តទៅនៅខាងលិចផ្លូវវិញ តែជាអកុសលដីវត្តមានការរត់ការដោះដូរ។ ស្រាប់តែនៅយប់ថ្ងៃទី២២ខែវិច្ឆិកាឆ្នាំ២០១៣ ក្រុមហ៊ុនបានយកអេស្កាវោទ័របម្រុងមកកំទេចឈាបនដ្ឋានចោលតែត្រូវបានរារាំងដោយប្រជាពលរដ្ឋទាំងកណ្តាលយប់។
លុះព្រឹកឡើងថ្ងៃទី២៣ ខែវិច្ឆិកា ឆ្នាំ២០១៣ ព្រះសង្ឃ គណៈកម្មការអាចារ្យវត្ត ប្រជាពលរដ្ឋប្រហែលជាង ១០០០នាក់ បានធ្វើការតវ៉ាបិទផ្លូវជាតិលេខ៦ ដើម្បីជាការសម្ដែងមតិមួយមិនឯកភាពក្នុងការដោះដូរដីវត្តនេះ ពេលបានដំណឹងភ្លាម លោក ឃ្លាំង ហួត ត្រូវបាន ឯកឧត្តម ប៉ា សុជាតិវង្ស ក្នុងឋាន:ជាអភិបាលរាជធានីភ្នំពេញ បានអនុញ្ញាតឲ្យចូលខ្លួនធ្វើការសម្របសម្រួល និងដោះស្រាយជាបន្ទាន់ជាមួយប្រជាពលរដ្ឋ ដើម្បីឲ្យពួកគាត់បើកផ្លូវឡើងវិញ។ ក្នុងពេលសម្របសម្រួលនោះដែរ លោក ឃ្លាំង ហួត បានលើកឡើងថា លោកបានដឹងរឿងវត្តនេះខ្លះៗហើយប៉ុន្តែទប់មិនឈ្នះដោយសារដីវត្តនេះមានតម្លៃខ្ពស់ពេក ក្នុងមួយម៉ែត្រការ៉េតម្លៃរាប់រយដុល្លារធ្វើឲ្យក្រុមហ៊ុនឃ្លានចង់បាន និងមន្ត្រីមួយចំនួនដែលមិនគិតបុណ្យគិតបាប ធ្វើការទាំងបំពានហ៊ានភូតភរថ្នាក់ដឹកនាំរាជរដ្ឋាភិបាលធ្វើការដោះដូរដីនេះ ដោយឃើញនូវភាពអយុត្តិធម៌បែបនេះ លោក ក៏សម្រេចចិត្តផ្តិតមេដៃចំពោះមុខព្រះភក្ត្រព្រះសង្ឃ គណ:កម្មការអាចារ្យវត្ត លោកយាយ លោកតា លោកអ៊ុំ លោកពូ អ្នកមីង និងប្រជាពុទ្ធបរិស័ទចំណុះជើងវត្តទាំងអស់ ក្នុងឋាន:ជាអភិបាលខណ្ឌសុំធានាថា នឹងយកដីវត្តនេះមកវិញអត់ឲ្យបាត់មួយចង្អាមណា ហើយប្រគល់ជូនវត្តគ្រប់គ្រង ដោយលោកយល់ច្បាស់ថា សម្តេចតេជោ លោកជាថ្នាក់ដឹកនាំប្រកបដោយគតិបណ្ឌិត ប្រកបដោយធម៌ គោរពប្រតិបត្តិព្រះពុទ្ធសាសនាយ៉ាងខ្ជាប់ខ្ជួន ក៏ប៉ុន្តែរឿងនេះ មានមន្ត្រីកុហក ភូតភរ សម្ដេចតេជោ ដូច្នេះហើយទើបមាន សជណ ដោះដូរដីវត្តនេះ បន្ទាប់ពីមានការបកស្រាយ និងធានាអះអាងពីលោក ឃ្លាំង ហួត ថានឹងយកដីជូនវត្តជូនប្រជាជនវិញ ទើបប្រជាជនព្រមបើកផ្លូវឲ្យចរាចរដូចធម្មតាវិញ។
លោក ឃ្លាំង ហួត បន្តថា យោងប្រសាសន៍ណែនាំដ៏ខ្ពស់ខ្ពស់របស់សម្តេចតជោ នាថ្ងៃទី២៤ ខែវិច្ឆិកា ឆ្នាំ២០១៣ ទីស្តីការគណ:រដ្ឋមន្ត្រី បានចេញលិខិតលេខ ១៩០៥ សជណ ចុះថ្ងៃទី២៤ ខែវិច្ឆិកា ឆ្នាំ២០១៣ ករណីនិរាករណ៍លិខិតលេខ ៤៤៥ សជណ ចុះថ្ងៃទី២៥ ខែមេសា ឆ្នាំ២០១២ ស្តីពីការផ្លាស់ប្តូរទីតាំងឈាបនដ្ឋានវត្តពោធិព្រឹក្ស ហៅវត្តខ្ទរ ទៅកាន់ទីតាំងថ្មី ស្ថិតនៅត្រង់ចំណុចស្ពានទី៥ សង្កាត់ព្រែកលៀប ខណ្ឌឫស្សីកែវ រាជធានីភ្នំពេញ ដើម្បីអនុញ្ញាតឲ្យក្រុមហ៊ុន អេង កាំង ឌីវេឡុបមែនខបភើរេសិន បន្តផែនការអភិវឌ្ឍន៍មជ្ឈមណ្ឌលពាណិជ្ជកម្ម ដោយរក្សាទុកទីតាំងនេះ ឲ្យនៅដដែល។ ជាមួយគ្នានោះដែរលោកបានបញ្ជាក់ថា សម្តេចតេជោបានបញ្ជាឲ្យសាលារាជធានីភ្នំពេញ ធ្វើប័ណ្ណកម្មសិទ្ធិជូនវត្តដើម្បីប្រើប្រាស់ ហើយសម្ដេចនឹងចូលរួមក្នុងការអភិវឌ្ឍន៍ដីវត្តនេះ ចង់ចាក់ដី ចង់ធ្វើរបង ធ្វើសាលារៀន ធ្វើសួនច្បារ ដើម្បីថែរក្សាជាសម្បត្តិវត្ត សមជាទីសក្ការៈនៃពុទ្ធសាសនិក ក្លាយជាគរុភណ្ឌរបស់វត្ត ជាបេតិកភណ្ឌជាតិ រក្សាបាននូវវប្បធម៌ អរិយធម៌ជាតិ ទុកជាកេរ្តិ៍ដំណែលសម្រាប់កូនចៅជំនាន់ក្រោយ។
សូមបញ្ជាក់ថា ប័ណ្ណសំគាល់សិទ្ធិកាន់កាប់អចលនវត្ថុ របស់វត្តពោធិព្រឹក្ស ហៅវត្តខ្ទរ ត្រូវបានប្រគល់ដោយផ្ទាល់ពី សម្តេចព្រះសុមេធាធិបតី នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា ជូនដល់ព្រះចរណៈវិសុទ្ធិ វេង សេងពេជ្រ ព្រះអនុគណខណ្ឌជ្រោយចង្វារ ដើម្បីថែរក្សាទុក។
នាទិវាដ៏មហានក្ខត្តឫក្ស និងពោរពេញដោយមហាបុណ្យកុសល លោក ឃ្លាំង ហួត ក្នុងនាមគណៈអភិបាលខណ្ឌជ្រោយចង្វារ និងជំនួសមុខឲ្យក្រុមប្រឹក្សា មន្ត្រីរាជការ អាជ្ញាធរមូលដ្ឋាន ព្រមទាំងប្រជាពលរដ្ឋក្នុងខណ្ឌជ្រោយចង្វារទាំងមូលនិយាយរួម ដោយឡែកព្រះសង្ឃ ពុទ្ធបរិស័ទ និងប្រជាពលរដ្ឋក្នុងភូមិខ្ទរ សង្កាត់ព្រែកលៀប ដែលមានវត្តមាននៅពេលនោះ មានមោទនភាព និងក្តីរំភើបរីករាយជាអនេកប្បការ ដែលបានចូលរួមក្នុងពិធីប្រគល់-ទទួលប័ណ្ណសំគាល់សិទ្ធិកាន់កាប់អចលនវត្ថុ ដល់ វត្តពោធិព្រឹក្ស (ហៅ វត្តខ្ទរ) ស្ថិតក្នុងសង្កាត់ព្រែកលៀប ខណ្ឌជ្រោយចង្វារ នាឱកាសនោះ។ ដើម្បីអនុញ្ញាតឲ្យក្រុមហ៊ុន អេង កាំង ឌីវេឡុបមែនខបភើរេសិន បន្តផែនការអភិវឌ្ឍន៍មជ្ឈមណ្ឌលពាណិជ្ជកម្ម ដោយរក្សាទុកទីតាំងនេះ ឲ្យនៅដដែល។ ជាមួយគ្នានោះដែរលោកបានបញ្ជាក់ថា សម្តេចតេជោបានបញ្ជាឲ្យសាលារាជធានីភ្នំពេញ ធ្វើប័ណ្ណកម្មសិទ្ធិជូនវត្តដើម្បីប្រើប្រាស់ ហើយសម្តេចនឹងចូលរួមក្នុងការអភិវឌ្ឍន៍ដីវត្តនេះ ចង់ចាក់ដី ចង់ធ្វើរបង ធ្វើសាលារៀន ធ្វើសួនច្បារ ដើម្បីថែរក្សាជាសម្បត្តិវត្ត សមជាទីសក្ការៈនៃពុទ្ធសាសនិក ក្លាយជាគរុភណ្ឌរបស់វត្ត ជាបេតិកភណ្ឌជាតិ រក្សាបាននូវវប្បធម៌ អរិយធម៌ជាតិ ទុកជាកេរ្តិ៍ដំណែលសម្រាប់កូនចៅជំនាន់ក្រោយ។
សូមបញ្ជាក់ថា ប័ណ្ណសំគាល់សិទ្ធិកាន់កាប់អចលនវត្ថុ របស់វត្តពោធិព្រឹក្ស ហៅវត្តខ្ទរ ត្រូវបានប្រគល់ដោយផ្ទាល់ពី សម្តេចព្រះសុមេធាធិបតី នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា ជូនដល់ព្រះចរណៈវិសុទ្ធិ វេង សេងពេជ្រ ព្រះអនុគណខណ្ឌជ្រោយចង្វារ ដើម្បីថែរក្សាទុក។ នាទិវាដ៏មហានក្ខត្តឫក្ស និងពោរពេញដោយមហាបុណ្យកុសល លោក ឃ្លាំង ហួត ក្នុងនាមគណៈអភិបាលខណ្ឌជ្រោយចង្វារ និងជំនួសមុខឲ្យក្រុមប្រឹក្សា មន្ត្រីរាជការ អាជ្ញាធរមូលដ្ឋាន ព្រមទាំងប្រជាពលរដ្ឋក្នុងខណ្ឌជ្រោយចង្វារទាំងមូលនិយាយរួម ដោយឡែកព្រះសង្ឃ ពុទ្ធបរិស័ទ និងប្រជាពលរដ្ឋក្នុងភូមិខ្ទរ សង្កាត់ព្រែកលៀប ដែលមានវត្តមាននៅពេលនោះ មានមោទនភាព និងក្តីរំភើបរីករាយជាអនេកប្បការ ដែលបានចូលរួមក្នុងពិធីប្រគល់-ទទួលប័ណ្ណសំគាល់សិទ្ធិកាន់កាប់អចលនវត្ថុ ដល់ វត្តពោធិព្រឹក្ស (ហៅ វត្តខ្ទរ) ស្ថិតក្នុងសង្កាត់ព្រែកលៀប ខណ្ឌជ្រោយចង្វារ នាឱកាសនោះ៕
វត្តខ្ទរ ទទួលប័ណ្ណសំគាល់សិទ្ធិអចលនវត្ថុពីសម្តេចព្រះសង្ឃនាយក នៃព្រះរាជាណាចក្រកម្ពុជា
0 Comments