នៅក្នុងឱកាសនោះ តំណាងពលរដ្ឋទាំង៣៥០គ្រួសារ មកពី៥ឃុំ គឺឃុំព្រែកខ្សាច់ ឃុំភ្ញីមាស ឃុំកូនកុក ឃុំតានូន និងឃុំថ្មស បានលើកឡើងពីបញ្ហាជាច្រើនដែលប្រជាពលរដ្ឋបានជួបប្រទះ ហើយក៏មានការសំណូមពរឲ្យសម្តេច ជួយឃ្វាលដីលំនៅដ្ឋានឲ្យពួកគាត់ផងព្រោះទីតាំងនេះពួកគាត់អាស្រ័យផលយូរឆ្នាំណាស់មកហើយ។
ជាការឆ្លើយតបលោក វ៉ែន សំអឿន ទីប្រឹក្សាសម្តេចអគ្គសេនាបតី តេជោ ហ៊ុន សែន និងជាអនុប្រធានគណៈកម្មការទំនាស់ដីធ្លីបានថ្លែងថា ការចុះជួបប្រជាពលរដ្ឋនេះ គឺជំនួសមុខឲ្យសម្តេចតេជោ ហ៊ុន សែន ក្នុងការចុះមកពិនិត្យជាក់ស្តែងពីទុក្ខលំបាករបស់ពលរដ្ឋ ពិសេសបញ្ហាដីធ្លីជាមួយក្រុមហ៊ុនចិន ហើយលោកសន្យាថា នឹងពាំនាំពាក្យរបស់បងប្អូនធ្វើរបាយការណ៍ជូនសម្តេច។
ក្រោយពីជ្រាបតាមប្រសាសន៍ខាងលើ ប្រជាសហគមន៍ទាំង៥ឃុំ បានសង្ឃឹមមុតមាំថា រាជរដ្ឋាភិបាលនឹងមានដំណោះស្រាយយ៉ាងសមស្របសម្រាប់ពួកគាត់៕
គណៈកម្មការទំនាស់ដីធ្លីចុះជួបប្រជាពលរដ្ឋ ដែលមានវិវាទជាមួយក្រុមហ៊ុនញូញៀននៅក្នុងស្រុកគីរីសាគរ
0 Comments