នៅក្នុងពិធីផ្លូវការ ដែលរៀបចំឡើងនៅវិមានអីស្តានណា (Istana) បណ្តាប្រមុខរដ្ឋ ប្រមុខរដ្ឋាភិបាល និងគណៈប្រតិភូនៃបណ្តាប្រទេសនានាលើសកលលោក ត្រូវបានស្វាគមន៍យ៉ាងស្និទ្ធស្នាលរាក់ទាក់បំផុតពីឯកឧត្តមប្រធានាធិបតីសិង្ហបុរី។
ថ្លែងក្នុងពិធីលាង សាយភោជន៍ជាមហាកិត្តិយសនោះ ឯកឧត្តម តូនី តាន់ កេងយាំង មានប្រសាសន៍ថ្លែង នូវការស្វាគមន៍យ៉ាងកក់ក្តៅបំផុត ថ្វាយ និងជូនចំពោះព្រះករុណាស៊ុលតង់ សម្តេច ឯកឧត្តម លោកជំទាវ ប្រមុខរដ្ឋ ប្រមុខរដ្ឋាភិបាល និងគណៈប្រតិភូនៃបណ្តាប្រទេសនានា លើសកលលោក ដែលបានចំណាយនូវពេលវេលាដ៏មានតម្លៃបំផុតយាង និងអញ្ជើញមកចូលរួមទិវាឯករាជ្យជាតិរបស់សាធារណរដ្ឋសិង្ហបុរី នៅលើទឹកដីដ៏ស្រស់បំព្រងនេះ។ ឯកឧត្តមប្រធានាធិបតីមានប្រសាសន៍ថា ប្រជាជនសិង្ហបុរីមានសេចក្ដីសោមនស្សរីករាយជា អនេក ក្នុងការធ្វើបដិសណ្ឋារកិច្ចយ៉ាងកក់ក្តៅបំផុត ថ្វាយ និងជូនចំពោះបណ្តាប្រមុខរដ្ឋ ប្រមុខរដ្ឋាភិបាល និងគណៈប្រតិភូទាំងអស់ ដែលបានយាង និងអញ្ជើញមកចូលរួមទិវា ឯករាជ្យជាតិ ដែលនេះបានបង្ហាញឲ្យឃើញពីព្រះទ័យ និងការយកចិត្តទុកដាក់ដ៏ខ្ពង់ខ្ពស់ បំផុតពីសំណាក់ថ្នាក់ដឹកនាំទាំងអស់ចំពោះបុព្វហេតុឯករាជ្យភាព និងការអភិវឌ្ឍប្រទេស សិង្ហបុរីក្នុងរយៈពេល៥០ឆ្នាំកន្លងទៅនេះ៕
ប្រធានាធិបតីសិង្ហបុរីជប់លៀងជូនប្រមុខរដ្ឋ ប្រមុខរដ្ឋាភិបាល ដែលបានអញ្ជើញចូលរួម បុណ្យឯករាជ្យជាតិសិង្ហបុរី
0 Comments