លោកញ៉ែម សំអូន ចាប់តាំងផ្ទុះនូវបញ្ហារឿងរ៉ាវដ៏ចម្រូងចម្រាសក្នុងរង្វង់គ្រួសារជាមួយភរិយាអ្នកនាង យ៉ាន លីនដា កាលពីពេលកន្លងទៅថ្មីៗនោះមក ឥឡូវលោកហាក់ដូចជាកំពុងតែរស់នៅដោយភាពឯកាខ្វះភាពកក់ក្តៅបំផុត ខណៈដែលភរិយា និងកូនជាទីស្រឡាញ់កំពុងរស់ នៅជួបជុំម្តាយនិងកូនឯក្រៅប្រទេស។
ដើម្បីបញ្ជាក់ប្រាប់ពីទឹកចិត្តនឹកនឹករលឹក និងបារម្ភដល់កូនស្រី ដែលកំពុងតែរស់នៅឆ្ងាយពីដើមទ្រូងខ្លួនជាឪពុកកាលពីថ្មីៗនេះ តារាសម្តែង ញ៉ែម សំអូន បានធ្វើការភ្ជាប់ទំនាក់ទំនងនិយាយឆ្លើយឆ្លងជាមួយកូនស្រីរបស់ខ្លួន ដោយបានបង្ហោះរូបថតបង្ហាញឲ្យឃើញសកម្មភាពខ្លួន និងកូនស្រី ដែលនិយាយគ្នាព្រមជាមួយពាក្យសរសេរថា «សុំទោសកូនប៉ា ។ ប៉ាដឹងថ្ងៃនេះកូនមានកិច្ចការសាលាច្រើនដែលត្រូវយកមកធ្វើនៅផ្ទះ»។
លោក ញ៉ែម សំអូន បានសរសេរទៀតថា «ប៉ាមិនអាចជួយកូនបានតែប៉ាប៉ាដឹងថាកូនអាចធ្វើវាបាន។ ថ្ងៃនេះប៉ាសប្បាយចិត្តណាស់ដែលបានឃើញមុខកូន»។
ផ្អែកតាមអត្ថន័យនៃការសរសេរបង្ហោះសាររៀបរាប់ពីសំណាក់លោកញ៉ែម សំអូន ខាងលើ នេះអាចបញ្ជាក់បានថាតារាសម្តែង យ៉ែម សំអូន ធ្វើឡើងនាពេលនេះគឺដើម្បីចង់បញ្ជាក់ប្រាប់ទស្សនិកជនអ្នកគាំទ្រក៏ដូចជាប្រពន្ធនិងកូនថា រូបលោកនៅតែស្រឡាញ់គិតពីសុខទុក្ខរបស់កូនទោះជាពេលនេះគ្រួសារគាត់មិនបានរស់នៅក្បែរគ្នាក៏ដោយនោះ។
លោកយ៉ែម សំអូន និងភរិយាអ្នកនាង យ៉ាន លីនដា បច្ចុប្បន្នត្រូវបានគេដឹងថា អ្នកទាំងពីរ ពុំ បានរួនរស់នៅជាមួយគ្នាទៀតឡើយពោលគឺចាប់តាំងពីមានជម្លោះផ្ទុះឡើងកាលពីពេលថ្មីៗកន្លងមកនោះ។ យ៉ាងណាមិញក្រោយពីមានបញ្ហានេះកើតឡើងអ្នកនាង យ៉ាន លីនដា បានសម្រេចចិត្តឈានជើងចាកចេញពីប្រទេសកម្ពុជាទៅប្រទេសអូស្ត្រាលីយ៉ាងតក់ក្រហល់ដើម្បីរស់នៅជាមួយកូនស្រីរបស់ខ្លួន។
ដោយឡែកសម្រាប់តារាសម្តែងលោក ញ៉ែម សំអូន ដែ ត្រូវជាស្វាមីរបស់អ្នកនាង យ៉ាន លីនដា បន្ទាប់ពីបានដឹងកំហុសរបស់ខ្លួនភ្លាមៗនោះ ក៏បានសរសេរសារសុំការអភ័យទោសពីភរិយាផងដែរ ប៉ុន្តែអ្វីដែលគួរឲ្យសោកស្តាយនោះគឺអ្នកនាង យ៉ាន លីនដា នៅតែមិនព្រមទទួលយកការសុំទោសពីសំណាក់តារាប្រុសរូបនេះ៕
ញ៉ែម សំអូន រំភើបចិត្តខ្លាំងពេលបានជួបមុខកូនស្រី
0 Comments