ព្រៃវេង ៖ នៅរសៀលថ្ងៃទី១៥ ខែធ្នូ ឆ្នាំ ២០១៤ នៅខេត្តព្រៃវែង បានប្រារព្ធពិធីប្រកាសតែងតាំងប្រធានមន្ទីរបរិស្ថានខេត្តព្រៃវែងក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងលោក ហាស់ សារ៉េត អភិបាលខេត្តព្រៃវែង។ បន្ទាប់ពីលោក តូច វ៉ារដ្ឋា ប្រធានមន្ទីរបរិស្ថានថ្មីបានឡើងប្ដេជ្ញាចិត្តរួចមក។
លោក ហាស់ សារ៉េត អភិបាលខេត្តព្រៃវែង និងឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន បានមានប្រសាសន៍ថា មន្ទីរបរិស្ថានខេត្ត មានតួនាទីសំខាន់ណាស់ក្នុងការធ្វើជាសេនាធិការឲ្យក្រសួង និងខេត្ត ក្នុងការអនុវត្តគោលនយោបាយ នៅងថ្នាក់ក្រោមជាតិ។
លោកអភិបាលខេត្ត និងឯកឧត្តម រដ្ឋមន្ត្រី បានផ្តាំផ្ញើដល់ដល់ប្រធានមន្ទីរថ្មី ត្រូវយកចិត្តទុកដាក់ប្រកបដោយការទទួលខុសត្រូវខ្ពស់លើកកម្ពស់សមត្ថភាពក្នុងការអនុវត្ត តួនាទីភារកិច្ច ប្រកបដោយឆន្ទៈម្ចាស់ និងមនសិការវិជ្ជាជីវៈ ឲ្យបានល្អ សំដៅបង្កើនប្រសិទ្ធភាព និងគុណភាពការងារ ប្រកបទៅដោយការឆ្លើយតបណ ស្របតាមគោលនយោបាយរបស់រាជរដ្ឋាភិបាលដែលបានដាក់ចេញ។យកចិត្តទុកដាក់អនុវត្តគោលនយោបាយនានារបស់រដ្ឋបាលថ្នាក់ក្រោមជាតិ ដើម្បីរួមចំណែកធ្វើឲ្យខេត្តព្រៃវែង មានការអភិវឌ្ឍន៏ខ្លាំងឡើងថែមទៀត ធានាការបម្រើ និងផ្តល់សេវា ដ៏ល្អជូនប្រជាពលរដ្ឋ។ ត្រូវខិតខំបម្រើប្រជាពលរដ្ឋឲ្យអស់សមត្ថភាព លទ្ធភាព ប្រឹងប្រែងលើគ្រប់វិស័យ បរិស្ថាននៅក្នុងខេត្ត ជាពិសេសក្នុងការគ្រប់គ្រងឲ្យបាន និងការពារបរិស្ថានមានសំរាម និងទឹកលូ ដែលធ្វើឲ្យមានផលប៉ះពាល់ដល់សុខភាពប្រជាពលរដ្ឋ។
សូមរក្សាសាមគ្គីភាព ឯកភាពផ្ទៃក្នុង ឲ្យបានល្អ ជាមួយរដ្ឋបាលខេត្ត និងមន្ទីរ អង្គភាពនានាជុំវិញខេត្ត រដ្ឋបាលក្រុង-ស្រុក ឃុំ សង្កាត់។ខិតខំរៀនសូត្របន្ថែមទៀតនូវជំនាញពាក់ព័ន្ធនិងបរិស្ថាន ដើម្បីអនុវត្តតួនាទីភារកិច្ចដែលថ្នាក់ដឹកនាំក្រសួង ប្រគល់ជូន ប្រកបដោយប្រសិទ្ធភាព និងជំនឿទុកចិត្ត ធានាបាននូវការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិ ប្រកបដោយចិរភាព៕
ពិធីប្រកាសតែងតាំងប្រធានមន្ទីរ បរិស្ថានខេត្តព្រៃវែង
0 Comments