បាត់ដំបង ៖ ការរួមគ្នាធ្វើដើម្បីបរិស្ថានស្អាតក្នុងក្រុងគឺផុសចេញពីឆន្ទៈរបស់ថ្នាក់ដឹកនាំក្នុងខេត្តឬក្រុងជាអ្នកផ្តួចផ្តើមនៃកម្លាំងរួមគ្រប់មន្ទីរឬស្ថាប័នពាក់ព័ន្ធក្នុងខេត្តបានចូលរួមក្នុងស្មារតីលើកកំពស់បរិស្ថានស្អាតទីក្រុងស្អាតនិងលុបបំបាត់ក្លិនស្អុយនៅក្នុងក្រុងក៏ជាកត្តារុញច្រានអោយក្មេងៗសិស្សានុសិស្សមានចិត្តគំនិតផ្តោតទៅលើសុខុមាលភាពរបស់ពួកគេឲ្យកាន់តែយកចិត្តបន្ថែមចំពោះអនាម័យនៅតាមផ្ទះរបស់ពួកគេ។
នៅថ្ងៃទី៥ ខែកញ្ញា ឆ្នាំ២០១៥នេះលោកចាន់ សុផលអភិបាលនៃគណៈអភិបាលខេត្តបាត់ដំបងបានផ្តើមដឹកនាំកម្លាំងចុះសំអាតក្រុងក្នុងនោះមានកម្លាំងកងរាជអាវុធខេត្តដឹកនាំដោយលោកមេបញ្ជាការប៉ោ វណ្ណះអង្គភាពស៊ីម៉ាក់សាលាក្រុងបាត់ដំបងរួមជាមួយក្រុមអនាម័យខេត្តសកម្មភាពទាំងនេះធ្វើឲ្យមតិមហាជនមានការកោតសរសើរចំពោះលោកចាន់ សុផលថា ចាប់តាំងពីមកធ្វើជាអភិបាលខេត្តបាត់ដំបងរាល់ហេដ្ឋារចនាសម្ព័ន្ធក្នុងខេត្តហាក់ដូចជាមានសន្ទុះច្រើនបូករួមទាំងមានភាពរាក់ទាក់ជាមួយប្រជាពលរដ្ឋបានល្អចំណែកបរិស្ថាននៅក្នុងខេត្តលោកយកចិត្តទុកដាក់មិនត្រឹមតែមតិមហាជនប៉ុណ្ណោះទេដែលសរសើរដល់លោកអភិបាលរូបនេះសូម្បីតែមន្ត្រីរាជការក្នុងខេត្តក៏មានការកោតសរសើរតៗគ្នានោះដែរនេះវាស្តែងចេញពីសកម្មភាពរបស់លោកពិតៗដែលធ្វើអោយមហាជនមើលឃើញក្នុងសម្លៀកបំពាក់ធម្មតាដូចជាកម្មករបែកញើសពេញខ្លួនធ្វើបណ្តើរនិយាយបណ្តើរលោកថា សកម្មភាពទាំងនេះបង្ហាញអោយឃើញថា ទោះខ្លួនជាសមត្ថកិច្ចក៏ដោយជាមន្ត្រីក៏ដោយដើម្បីប្រយោជន៍សាធារណៈមិនត្រូវប្រកាន់ខ្លួនទេ។ ផ្ទុយទៅវិញសកម្មភាពនេះគឺជាគំរូដ៏ល្អសម្រាប់ក្មេងជំនាន់ក្រោយៗដែលពួកគេត្រូវតែអនុវត្តន៍តាមហើយចំពោះរាល់មន្ត្រីរបស់គណបក្សប្រជាជនក៏គ្មានមន្ត្រីណាម្នាក់ឆ្មើងឆ្មៃចំពោះអ្នកដទៃនោះដែរធ្វើយ៉ាងណាឲ្យប្រជាពលរដ្ឋចូលចិត្ត។ ហើយទុកចិត្តនោះជាការប្រសើរលោកបន្តថា បើសិនជាយើងបណ្តោយឲ្យក្នុងខេត្តឬក្រុងសម្បូរទៅដោយកាកសំណល់ឬសំរាមវារលួយនោះក្នុងក្រុងប្រាកដជាជះក្លិនស្អុយដល់ភ្ញៀវជាតិនិងអន្តរជាតិពេលនោះហើយដែលខេត្តយើងត្រូវទទួលការរិះគន់ពីសំណាក់ផ្ញៀវទាំងក្នុងនិងក្រៅប្រទេសហើយថ្នាក់ដឹកនាំប្រទេសយើងក៏ទទួលភាពអាម៉ាស់ផងដែរដោយសារតែមន្ត្រីក្រោមឱវាទមិនយកចិត្តទុកដាក់គិតតែប្រយោជន៍ផ្ទាល់ខ្លួន។
លោកថា ទាំងនេះហើយទើបប្រមុខរាជរដ្ឋាភិបាលត្រូវតែយកចិត្តទុកដាក់ដើម្បីជំរុញបន្ថែមរាល់សកម្មភាពការងារដែលអសកម្មនៅតាមក្រសួងឬថ្នាក់មន្ទីរទាំងនេះហើយទើបប្រមុខរាជរដ្ឋាភិបាលត្រូវតែយកចិត្តទុកដាក់ដើម្បីជំរុញបន្ថែមរាល់សកម្មភាពការងារដែលអសកម្មនៅតាមក្រសួងឬថ្នាក់មន្ទីរដែលនៅតាមបណ្តាខេត្តជាដើមក្នុងឱកាសដ៏ហត់នឿយនោះដែរលោកចាន់ សុផលក៏បានបញ្ជាក់អំពីផលដំណាំស្រូវក្នុងខេត្តបាត់ដំបងមិនមានការខូចខាតច្រើននោះទេ។
លោកថា លោកឃើញនៅលើទំព័រកម្ពុជាថ្មីចុះផ្សាយថា ខូចខាតច្រើននោះវាខុសពីទិន្នន័យជាក់លាក់របស់សាលាខេត្ត៕
បរិស្ថានស្អាតអនាម័យល្អអាស្រ័យទៅលើការរួមគ្នាថែរក្សាទើបទីក្រុងស្អាត
0 Comments