ម៉ូតូ RC213V-S របស់ក្រុមហ៊ុនហុងដាជាប្រភេទ MotoGP បានលក់ដាច់អស់តាំងពីជាង១ខែមុនពេលដែលវែបសាយអនឡាញដាក់ឲ្យមានការកុម្ម៉ង់ទិញ នៅក្នុងតំលៃ £១៣៧,000។
គិតចាប់ពី២ខែមុនរហូតមកដល់ពេលនេះ ក្រុមហ៊ុនហុងដាបានទទួលការកុម្ម៉ង់ទិញ ម៉ូតូម៉ាក RC213V-S នេះ រហូតដល់ជាង២២០គ្រឿងឯនោះដោយក្រុមហ៊ុនបានរំពឹងទុកជាមុនថា នឹងមានម៉ូតូ RC213V-S ចំនួនតែ២១៣គ្រឿងប៉ុណ្ណោះដែលនឹងត្រូវបានផលិតមានន័យថា ការបញ្ជាទិញខាងលើនេះ វាលើសគំរោងផលិត។ ក្នុងចំណោមបណ្ដាប្រទេសដែលបានកុម្ម៉ង់ទិញទាំងនោះមានដូចជា ប្រទេសអង់គ្លេសត្រូវបានគេមើលឃើញថា មានការបញ្ជាទិញចំនួន៣៧គ្រឿង និង១០១គ្រឿងមកពីប៉ែកផ្សេងៗនៃទ្វីបអឺរ៉ុប គេមានការជឿជាក់ថា ជំនួយតួលេខខាងលើនេះនឹងមានការកើនឡើងជាបន្តបន្ទាប់ទៀត។ គួរបញ្ជាក់ផងដែរថា ភាពត្រឹមត្រូវនៃតួលេខខាងលើនេះគិតមកត្រឹមថ្ងៃព្រហស្បតិ៍ទី៣ ខែកញ្ញា តែប៉ុណ្ណោះ។
តាមរយៈសេចក្តីជូនដំណឹងជាផ្លូវការមួយរបស់ក្រុមហ៊ុនបានបញ្ជាក់ថា RC213V -S បានក្លាយជាគម្រោងមួយរបស់ក្រុមហ៊ុនហុងដា ដែលបានចាប់ផ្ដើមដំណើរការអស់រយៈពេលជាច្រើនឆ្នាំកន្លងមកហើយគឺតាំងពីឆ្នាំ២០១០មកម្ល៉េះ។
គេហទំព័រសម្រាប់បញ្ជាទិញ RC213V -S បានបើកកាលពីខែមុនហើយនៅតែបន្តការលក់ និងទទួលការបញ្ជាទិញរហូតដល់ថ្ងៃទី៣០ ខែកញ្ញា ដូច្នេះអតិថិជនទាំងអស់មានពេលតិចជាងមួយខែទៀតសម្រាប់ការកុម្ម៉ង់ទិញ។ ក្នុងនោះដែរ RC213V –S ចំនួន ២២០គ្រឿងត្រូវបានទទួលការកុម្ម៉ង់ទិញរួចហើយ។ បើទោះបីជាចំនួននៃការបញ្ជាទិញទាំងនេះខុសពីការព្យាករណ៍ទុកជាមុនក៏ដោយ យើងនៅតែធានាបានថា ម៉ូតូនេះនឹងអស់ពីស្តុក បើទោះបីជាវាមានតម្លៃថ្លៃខ្លាំងយ៉ាងណាក៏ដោយ៕
ម៉ូតូហុងដា RC213V-S ស៊េរីថ្មីលក់ដាច់អស់តាំងពីមួយខែមុនពេលចេញលើអនឡាញ
0 Comments