បន្ទាយមានជ័យ ៖ នៅលាម៉ោង៨យប់ថ្ងៃទី២៥ ខែកញ្ញា ឆ្នាំ២០១៥នៅស្រុកភ្នំស្រុកកងកម្លាំងនគរបាលប៉ុស្តិ៍ប៉ោយចារ ឃុំប៉ោយចារបានសហការជាមួយសហគមន៍នេសាទ និងក្រុមអភិរក្សសត្វព្រៃ ដឹកនាំដោយលោកឈិត ឆា នាយនគរបាលប៉ុស្តិ៍ បានចុះល្បាតបានប្រទះឃើញជនល្មើសចំនួន៣នាក់កំពុងលួចឆក់ត្រីបទល្មើសនេសាទខុសច្បាប់នៅចំណុចទួលល្វៀង ស្ថិតនៅភូមិគោករំចេក ឃុំស្រះជីក ស្រុកភ្នំស្រុក ខេត្តបន្ទាយមានជ័យ ស្ទាក់ចាប់បានមុខសញ្ញាកំពុងលួចឆក់ត្រីបានចំនួន៣នាក់យកមកសាកសួរនៅអធិការ។
លោកវរសេនីយ៍ត្រីយ៉ត សុផលអធិការនគរបាល ស្រុកភ្នំស្រុកបានឲ្យដឹងថា ជនសង្ស័យទាំង៣នាក់១មានឈ្មោះទិល ចាន់ទាវ ភេទប្រុសអាយុ ២៨ឆ្នាំ ២រ៉ាន់ រ៉េត ភេទប្រុស អាយុ៣៣ឆ្នាំ ៣ឈ្មោះសួង វឿត ភេទប្រុស អាយុ៣៣ឆ្នាំ អ្នកទាំង៣រស់ នៅភូមិគោករំចេកឃុំស្រះជីក ស្រុកភ្នំស្រុក ខេត្តបន្ទាយមានជ័យ ជាមួយគ្នា ហើយនគរបាលបានដកវត្ថុតាងខុសច្បាប់រួមមានអាគុយ៣គ្រឿងម៉ូទ័រឆក់៣គ្រឿង ដងឫស្សីតឆក់៦ដង ទូរសព្ទ័ ២ គ្រឿង បានដកហូតរក្សាទុក រីឯមនុស្សទាំង៣នាក់ដែលជាជនល្មើសលួចឆក់ត្រីនោះត្រូវបានព្រះរាជអាជ្ញារងផាន់ ភីរម្យឲ្យឃាត់ខ្លួនដើម្បីទុកឲ្យមន្ត្រីជំនាញជលផលចាត់ការបន្តតាមនីតិវិធី៕
ជនល្មើស៣នាក់លួចឆក់ត្រីត្រូវបានកម្លាំងនគរបាលស្រុកភ្នំស្រុកឃាត់ខ្លួន
0 Comments