អ្នកម៉ៅការខាងការការពារនៅពីក្រោយយន្ដហោះគ្មានមនុស្សបើក Predator និង Peaper របស់យោធាអាមេរិក កំពុងតែអភិវឌ្ឍយន្ដហោះជំនាន់បន្ទាប់ UAVs។ យន្ដហោះថ្មីនេះនឹងបំពាក់ជាមួយអាវុធឡាស៊ែរ ដែលមានថាមពលខ្ពស់ និងអាចហើយរួចរាល់នៅដើមឆ្នាំ២០១៧។
អាវុធឡាស៊ែរ បានក្លាយទៅជាមានលទ្ធភាពយ៉ាងពិតប្រាកដ និងស័ក្ដិសមនៅក្នុងពេលអនាគត។ កាលពីខែកន្លងមក ក្រុមហ៊ុន Boeing បានប្រកាសថា ខ្លួនបានអភិវឌ្ឍកាណុងឡាស៊ែរ ដែលមានសមត្ថភាពបាញ់ទម្លាក់យន្ដហោះគ្មានមនុស្សបើកនៅជុំវិញព្រលានយន្ដហោះ។
ឥឡូវនេះ General Atomics Aeronautical Systems ជាក្រុមហ៊ុននៅពីក្រោយយន្ដហោះគ្មានមនុស្សបើករបស់កងទ័ពអាេមរិក មានផែនការដើម្បីយកបច្ចេកវិទ្យានេះទៅក្នុងថ្នាក់បន្ទាប់ទៀត។ GAASI មានផែនការដើម្បីបំពាក់ Predator របស់ខ្លួន ដោយធ្វើឲ្យល្អប្រសើរប្រព័ន្ធអាវុធដែលផ្អែកលើថាមពលដ៏ខ្លាំងនោះ។ លោក Michael Perry អនុប្រធានដើម្បី Mission System at General Atomics បាននិយាយថា យើងត្រូវបានផ្ដល់មូលនិធិឥឡូវនេះដើម្បីអភិវឌ្ឍម៉ូឌូលឡាស៊ែរមួយ ដែលអាចប្រើប្រាស់ជាមួយយន្ដហោះ និងសិក្សាដាក់វានៅយន្ដហោះ Avenger។
ក្រុមហ៊ុនបានអភិវឌ្ឍរួចហើយនូវឡាស៊ែរផ្ទាល់របស់ខ្លួន ក៏ដូចជាប្រព័ន្ធថាមពលគំរូដើមសម្រាប់គំរូ airborne មួយគ្រឿង។ តាមទ្រឹស្ដី យន្ដហោះគ្មានមនុស្សបើកនេះ អាចបាញ់បាន៥ទៅ៦គ្រាប់នៅមុនពេលត្រូវការបញ្ចូលគ្រាប់ទៀត ប៉ុន្ដែនេះនឹងកើតឡើងនៅពេល UAV នៅកំពុងតែហោះហើរនៅលើអាកាស។ លោក Perry បានបន្ដថា ប្រសិនបើមានពេលគ្រប់គ្រាន់នៅ ចន្លោះការបាញ់នោះ អ្នកមិនត្រូវការបញ្ចូលអ្វីទាំងអស់។ វាអាស្រ័យទៅលើថា តើមានពេលប៉ុន្មានដើម្បីតម្រង់គោលដៅឡើងវិញនោះ។
ប៉ុន្ដែនៅពេលដែលម៉ូដែលបច្ចុប្បន្ន អាចមានកម្លាំងខ្លាំងគ្រប់គ្រាន់ដើម្បីបាញ់ទម្លាក់យន្ដហោះនោះ វាមិនបានត្រៀមខ្លួនត្រឹមត្រូវដើម្បីភ្ជាប់ទៅជាមួយនោះទេ។ ការបាញ់គ្រាប់ឡាស៊ែរចេញពីយានយន្ដដែលកំពុងធ្វើចលនានោះ គឺមានសភាពស្មុគស្មាញជាងការបាញ់ចេញពីទីតាំងដែលនៅនឹង។
GAASI បាននិយាយថា ពួកគេបានអភិវឌ្ឍប្រព័ន្ធឡាស៊ែរថាមពលខ្ពស់អស់រយៈពេល១៥ឆ្នាំហើយ ជាមួយការធ្វើការស្រាវជ្រាវយ៉ាងច្រើននេះ ការប្រឈមទាំងឡាយអាចត្រូវបានដោះស្រាយបានទាំងអស់នៅឆ្នាំ២០១៧៕
Sputnik
យន្ដហោះឃាតកគ្មានមនុស្សបើក បំពាក់ដោយឡាស៊ែររបស់អាមេរិក អាចក្លាយទៅជាពិត នៅក្នុងឆ្នាំ២០១៧
0 Comments