ក្រចេះ ៖ សកម្មភាពនៃការចរាចរដឹកជញ្ជូនឈើតាមដងទន្លេមេគង្គ ចាប់ផ្តើមដំណើរការហើយនារដូវទឹកឡើងនេះ គឺក្រុមឈ្មួញបានប្រើប្រាស់រូបភាពដឹកតាមកាណូតតូចធំ ឬតាមក្បូនព្យាង ដោយធ្វើការដឹកជញ្ជូនពីទន្លេមេគង្គលើ ឆ្លងកាត់ខេត្តក្រចេះឆ្ពោះទៅខេត្តត្បូងឃ្មុំ និងខេត្តកំពង់ចាមបានដោយរលូន ។
ជាក់ស្តែងកាលពីចុងសប្ដាហ៍កន្លងទៅ មានក្បួនមួយខ្សែបានព្យាងឈើស្រឡៅមូល រាប់រយដើម ធ្វើដំណើរចេញពីដងទន្លេមេគង្គលើទឹកដីនៃខេត្តស្ទឹងត្រែង ឆ្លងកាត់ស្នាក់ការមន្ត្រីជំនាញរដ្ឋបាលមន្ត្រីព្រៃឈើខេត្តក្រចេះជាច្រើនកន្លែង សម្របសម្រួលធ្វើដំណើរទៅបានដោយរលូន តែនៅតែគេចមិនរួច ត្រូវបានសមត្ថកិច្ចខេត្តកំពង់ចាមចាបបង្ក្រាបបាន។
ដោយក្បូនអូសឈើមួយខ្សែផ្សែងទៀតបានព្យាងបណ្តែតតាមដងទន្លេមេគង្គ ចេញពីព្រំប្រទល់ខេត្តស្ទឹងត្រែង ដែលគេសង្ស័យថា មានបង្កប់ឈើអារនិងឈើមូលជាច្រើនម៉ែត្រគូបត្រូវបានជំនាញផ្នែករដ្ឋបាលព្រៃឈើក្រចេះចាប់ឃាត់អស់រយៈពេល១យប់១ថ្ងៃតែត្រូវដោះលេងទៅវិញស្ងាត់ៗនៅប្រឡប់ថ្ងៃទី៦ខែកញ្ញានេះ បន្ទាប់ម្ចាស់ក្បូនបានព្យាយាមចរចាជាមួយមន្ត្រីជំនាញខណ្ឌរដ្ឋបាលព្រៃឈើ និងមន្ត្រីផ្នែករដ្ឋបាលព្រៃឈើក្រចេះបានដោយជោគជ័យក្នុងរយៈពេលពេញមួយថ្ងៃពេញ។
ប្រភពពីមន្ត្រីនិយាយថា ក្បូនឈើមួយនេះត្រូវបានមន្ត្រីខណ្ឌនិងផ្នែករដ្ឋបាលព្រៃឈើក្រចេះ ចាប់អូសចូលខាង កាលពីប្រលប់ថ្ងៃទី៥ខែកញ្ញា នៅចំនុច មុខវត្តបុស្សលាវ ក្នុងឃុំបុស្សលាវ ស្រុកចិត្របុរី ខេត្តក្រចេះបន្ទាប់ពីគេសង្ស័យថា មានការចរចាតម្លៃគ្នាមិនត្រូវ។
ប្រភពបន្តរថា ការចាប់ឃាត់ក្បូននេះក្រោយពីមេព្រៃសង្ស័យថា មានបង្កាប់ឈើជាច្រើនម៉ែត្រហើយក្រោយពីចាប់ឃាត់រួចមក គេសង្កេតឃើញម្ចាស់ក្បូនឈើនោះស្វះស្វែងរត់រកជួបមេព្រៃនៅទីតាំងស្នាក់ការរបស់មន្ត្រីរដ្ឋបាលព្រៃឈើ នៅក្បែរមណ្ឌលសុខភាពបុសលាវ ហើយការចាប់ឃាត់នោះទៀតសោធន៍ គ្រាន់តែចាប់អូសចូលខាង ដោយគេមិនឃើញថា ពុំមានមេព្រៃរើដើម្បីឆែកឆេរនោះទេដោយមន្ត្រីជំនាញខណ្ឌរដ្ឋបាលព្រៃឈើម្នាក់ឆ្លើយថា គ្មានលួចបង្គាប់ឈើដូចកាសង្ស័យនោះទេ។
ដោយឡែកប្រភពពីអ្នកដែលបានចុះមុជទឹកត្រួតពិនិត្យក្បូននោះ បាននិយាយថា ក្បូនឈើមួយនេះត្រូវបានគេចង់បណ្ដែតអូសពុកផុយ ដើម្បីបំភាន់ភ្នែកជាក់ស្តែងគឺមានឈើមូលធំៗនិងឈើអារជាច្រើនម៉ែត្រគូប នៅបង្គាប់ពីក្រោមដឹកចេញពីខេត្តស្ទឹងត្រែងឆ្ពោះទៅខេត្តកំពង់ចាម។
មន្ត្រីផ្នែករដ្ឋបាលព្រៃឈើក្រចេះ លោក ប៊ួយ រតនា បានឲ្យដឹងកាលពីរសៀលថ្ងៃទី៦ នោះថា មិនទាន់បញ្ជាក់ថា មានបង្ក្រាបឈើឬអត់នោះទេ រង់ចាំឲ្យមន្ត្រីរបស់រួចការងារសិនចាំទៅពិនិត្យមើលជាក់ស្តែង ជាមួយគ្នានោះមានកាណូតរបស់មន្ត្រីជំនាញដែលនៅចាំ យាមក្បូនអូសនោះបានបើករត់បានបើករត់គេចខ្លួនបន្ទាប់ពីមានក្រុមអ្នកសារព័ត៌មានជាច្រើននាក់ទៅផ្តិតយករូបភាពនោះនៅទីតាំងនោះ ហើយនៅទីនោះមានមន្ត្រីនគរបាលនៅចាំការពារពេញមួយថ្ងៃ ដោយមិនទាន់មានត្រួតពិនិត្យផងក៍ត្រូវបានដោះលែងស្ងាត់ៗទៅវីញកាលពីព្រលប់ថ្ងៃទី៦នេះ។
ពាក់ព័ន្ធនិងដោះលេងក្បូនខាងលើដែលគេសង្ស័យថា មានបង្កាប់ឈើរាប់សិបម៉ែត្រគូបនោះមិនអាចសុំការបកស្រាយពីមន្ត្រីរដ្ឋបាលព្រៃឈើក្រចេះបានទេ តែមជ្ឈដ្ឋានមួយចំនួន បានដាក់ការសង្ស័យថា ការដោះលេងក្បូនឈើនេះ អាចនិងត្រូវរ៉ូវគ្នាជាមួយម្ចាស់ក្បូនទើបមេព្រៃដោះលេងទៅវិញស្ងាត់ដោយមិនមានការឆែកឆេរបែបនេះ៕
មេព្រៃចាប់ឃាត់ក្បូនអូសបង្គាប់ឈើ រយៈពេល១ថ្ងៃ១យប់ ត្រូវបានដោះលែងវិញស្ងាត់ៗ
0 Comments