យោងតាមប្រភពព័ត៌មានផ្លូវការណ៍ បានឲ្យដឹងថា អគ្គីភ័យដែលបានលេបត្របាក់អគារផ្ទះល្វែងនៅកណ្តាលក្រុងប៉ារីស ប្រទេសបារាំង បានសម្លាប់មនុស្ស៨នាក់ នាថ្ងៃពុធនេះ ហើយនៅក្នុងចំណោមពួកគេក៏មានកូនក្មេង២នាក់ផងដែរ។
ប្រភពព័ត៌មាន បានបន្តទៀតថា មនុស្ស៤នាក់ផ្សេងទៀត បានរងរបួសនៅក្នុងហេតុការណ៍អគ្គីភ័យខាងលើ ដែលកើតឡើងកាលពីវេលាម៉ោង៤ព្រឹក ហើយមូលហេតុបណ្តាលឲ្យវាឆាបឆេះឡើង គេនៅមិនទាន់ដឹងច្បាស់នោះទេ។
អគ្គីភ័យនេះដែរ បានចាប់ផ្តើមឆាបឆេះដំបូងនៅជាន់ផ្ទាល់ដី មុនពេលរីករាលដាលដល់ជាន់លើ។
ដោយឡែក អ្នកនាំពាក្យក្រសួងមហាផ្ទៃ បានឲ្យដឹងថា ក្រុមភ្នាក់ងារពន្លត់អគ្គីភ័យ បានចល័ត២លើកអំឡុងពេលយប់នោះ ហើយការស៊ើបអង្កេតកំពុងបន្តដើម្បីពនិត្យមើលថា តើវាគឺជាករណីឧក្រិដ្ឋកម្ម ឬក៏យ៉ាងណា៕
អគ្គីភ័យលេបត្របាក់អគារផ្ទះល្វែង នៅកណ្តាលក្រុងប៉ារីសសម្លាប់មនុស្ស៨នាក់
0 Comments