កណ្ដាល ៖ ភ្លៀងលាយឡំនឹងខ្យល់បក់បោកកន្ត្រាក់កួចផ្ទះប្រជាពលរដ្ឋ នៅស្រុកពញាឮ ហើយឆ្ពោះទៅស្រុកខ្សាច់កណ្ដាល និងស្នូរស្គររន្ទះបានបាញ់សម្លាប់បុរសម្នាក់ ខណៈកំពុងកៀងទា។
ហេតុការណ៍នេះបានកើតឡើងនៅថ្ងៃទី១២ ខែកញ្ញា ឆ្នាំ២០១៥ វេលាម៉ោង១៦និង៤០នាទីនៅឃុំពញាឮ, ឃុំភ្នំបាត, ឃុំទំនប់ធំ ស្រុកពញាឮ និងរន្ទះសម្លាប់មនុស្សម្នាក់នៅស្រុកមុខកំពូលខេត្តកណ្ដាល។
បើតាមប្រភពឲ្យដឹងថា គ្រោះមហន្តរាយដោយសារខ្យល់កន្ត្រាក់បណ្ដាលឲ្យរបើកដំបូលចំនួន៥ខ្នង(ប៉ើងដំបូល) ឃុំទំនប់ធំ របើកដំបូល:១ខ្នង ដែលមានបណ្ដោយ៥×៤ម្ចាស់ ឈ្មោះយ៉នមីន អាយុ៥៨ឆ្នាំ មានទីលំនៅភូមិឃុំកើតហេតុ។ ឃុំពញាឮ ខូចខាតផ្ទះចំនួន:២ខ្នង។ ១-ផ្ទះឈ្មោះរិទ្ធ ជឿន ផ្ទះ នៅភូមិព្រែកល្វា ឃុំពញាឮផ្ទះទំហំ ៤×៥ របើកដំបូលស័ង្កសី៤សន្លឹក។ ២-ឈ្មោះហង្ស សុគឿន នៅភូមិពញាឮ របើកដំបូលរោងលៀងម៉ូតូទំហំបណ្ដោយ១០×៥។ ឃុំភ្នំបាតចំនួន: ២ខ្នងប្រភេទផ្ទះ(តៀម)។ ១-ឈ្មោះស៊ីម ណាត នៅភូមិបន្ទាយ តូចរបើកដំបូល។ ២-ហៀង ស្រីម៉ៅ នៅភូមិបន្ទាយតូច របើកដំបូល។
-ករណីនេះមិនបណ្តាលឲ្យរង របួសមនុស្សទេ។ ចំណែក ជនរងគ្រោះដោយសាររន្ទះបាញ់មានឈ្មោះសៅ សឺន ភេទ ប្រុសអាយុ៣៧ឆ្នាំមុខរបរចិញ្ចឹមទានៅភូមិតាគាត់លិច ឃុំជ័យធំ ស្រុកខ្សាច់កណ្តាល ខេត្តកណ្តាល នៅចំណុច ត្រពាំងធំ ភូមិតាគាត់កើត ឃុំជ័យធំ ស្រុកខ្សាច់កណ្តាល ខេត្តកណ្តាល (ចំងាយពីភូមិ ២៥០០ម៉ែត្រ)។ ដោយមានប្រពន្ធ ឈ្មោះចាន់ ជា អាយុ៣៥ឆ្នាំ មុខរបរ កសិករ មានកូន ស្រី១។ ប្រភពបន្តឲ្យដឹងថានៅពេលកើតហេតុ មានភ្លៀងធ្លាក់យ៉ាងខ្លាំង ជនរងគ្រោះបានដើរកៀងទាក៏ត្រូវរន្ទះបាញ់បណ្តាលអោយស្លាប់ភ្លាមនៅនឹងកន្លែង។ ក្រោយមកក្រុមគ្រួសារបាន ដឹកយកមកធ្វើបុណ្យតាមប្រពៃណី៕
ភ្លៀងលាយឡំខ្យល់កន្ទ្រាក់ និងស្នូរស្គររន្ទះចំនួន២ស្រុក សម្លាប់មនុស្សម្នាក់
0 Comments