បន្ទាយមានជ័យ ៖ ព្រឹកថ្ងៃទី២៧ ខែមិថុនា ឆ្នាំ ២០១៨ នេះលោកលី សារី អភិបាលរងខេត្តនិងជាប្រធានគណៈកម្មាធិការសាខាកាកបាទក្រហមខេត្តបន្ទាយមានជ័យ លោកផូស៊ីតាល់សប្បុរសជន និងសហការីជាច្រើននាក់ទៀតបាននាំយកអំណោយរបស់សាខាកាកបាទក្រហមខេត្តបន្ទាយមានជ័យ យកទៅចែកជូនប្រជាពលរដ្ឋក្រីក្រីជួបការលំបាកនិងកូនច្រើនចំនួន២គ្រួសារដែលមានឈ្មោះ១ ចិន ប៊ូរ៉ាន់ ភេទប្រុសអាយុ៣៦ឆ្នាំមុខរបរកម្មករប្រពន្ធឈ្មោះ លឿង ភ័ក្រ អាយុ២៨ឆ្នាំមានកូន៣នាក់ ដែលមានជីវភាពជួបក្រលំបាករស់ក្នុងកូនខ្ទមលើដីបងប្អូនទី២មិនស្គាល់ឈ្មោះតែមេគ្រួសាររងគ្រោះពិការជើងអង្គុយលើរទេះមានកូនច្រើនក្នុងបន្ទប់រស់នៅភូមិគៀបសង្កាត់ទឹកផ្លាក្រុងសិរីសោភ័ណ។
ប្រជាពលរដ្ឋជួបការលំបាក់ទាំង២គ្រួសារបានទទួលអំណោយពីសាខាកាកបាទក្រហមកម្ពុជាខេត្តរួមមានអង្ករ២៥គីឡូក្រាម មី១កេស ត្រីខ១០កំប៉ុង ទឹកត្រី.ទឹកស៊ីអ៊ីវ៦ដប ខ្លាង១ដប សាប៊ូម្សៅ១គីឡូក្រាម សារ៉ុង២ មុង១ ភួយ១ ក្រម៉ា និងលោក ផូរ ស៊ីតាល់ ក្រុមហ៊ុនដីឡូត៍ល្វែងលក់និងជាម្ចាស់បណ្ណាគារបន្ទាយមានស្រីជួយសៀវភៅ៥០ក្បាល ប៊ិចខៀវក្រហម៥០ដើមនិងលោក អ៊ុង សុម៉ៅ ម្ចាស់ហាងលក់រថយន្តនៅខេត្តបន្ទាយមានជ័យជួយថវិកា៦ម៉ឺនរៀលដល់គ្រួសារពិការទាំង២គ្រួសារនេះផងដែរ។
លោក លី សារី បានប្រាប់អ្នកយកព័ត៌មានឲ្យដឹងថា ការផ្តល់អំណោយដក់គ្រួសារក្រីក្រនិងកូនច្រើនរបស់កាកបាទក្រហមខេត្តនេះលោកតំណាងឲ្យ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាយកមកចែកជូនជនក្រីក្រ ហើយកន្លងមកសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងយកចិត្តទុកដាក់រួមសុខរួមទុកជាមួយប្រជាពលរដ្ឋឲ្យតែក្រុមការងារថ្នាក់មូលដ្ឋានបានរាយការណ៍មកឲ្យអំពីស្ថានភាពរស់នៅរបស់ជនក្រីក្ររស់នៅក្នុងភូមិលោកតែងតែយកអំណោយទៅចែកជូនមិនដែលដាច់ឡើយ។ហើយអំណោយចែកឲ្យនេះ ពិតជាបានសម្រួលដល់ការរស់នៅរបស់បងប្អូននៅក្នុងមូលដ្ឋានមួយរយៈ។
លោកលី សារី បានបញ្ជាក់ឲ្យដឹងទៀតថា សម្តេចទាំងពីរតែងតែគិតគូរជានិច្ច ចំពោះសុខទុក្ខរបស់ប្រជាពលរដ្ឋនៅទូទាំងប្រទេស ដោយសម្តេចតែងតែចាត់ទុកការលំបាករបស់ប្រជាពលរដ្ឋ គឺជាការលំបាករបស់សម្តេច។ ហើយសកម្មភាពមនុស្សធម៌របស់កាកបាទក្រហមកម្ពុជាគឺមិនប្រកាន់ពូជ សាសន៍ ពណ៌សម្បុរឬនិន្នាការនយោបាយអ្វីឡើយ ពោលគឺទីណាមានការលំបាក ទីនោះតែងតែមានវត្តមានកាកបាទក្រហមចុះជួយជានិច្ចផងដែរ៕
Source: Kampuchea Thmey Daily
0 Comments