រតនគិរី ៖ បុរសម្នាក់ខឹងប្រពន្ធស្ដីបន្ទោសរឿងប៉ិនដើរផឹកស្រាពេក ក៏យកខ្សែគោចង.ក ធ្វើអត្តឃាតសម្លាប់ខ្លួនតែម្ដង។ ហេតុការណ៍នេះកើតឡើងនៅវេលាម៉ោង៣និង០០នាទីយប់ វេលាទៀបភ្លឺថ្ងៃទី២៤ ខែកញ្ញា ឆ្នាំ២០១៥ ស្ថិតនៅភូមិអ៊ុន ឃុំលំជ័រ ស្រុកអូយាដាវ។
ប្រភពពីសាច់ញាតិបានឲ្យដឹងថា បុរសចង.ក សម្លាប់ខ្លួននោះមានឈ្មោះ សេវ អៀង ភេទប្រុស អាយុ២០ឆ្នាំ ជាជនជាតិចារ៉ាយ រស់នៅភូមិ/ឃុំកើតហេតុខាងលើ។
ប្រភពបានបន្តទៀតថា ដោយសារតែខឹងប្រពន្ធស្ដីបន្ទោសថាមួយថ្ងៃៗដើរតែផឹកស្រាមិនជួយទៅធ្វើចម្ការ ក៏ស្រាប់តែទៅចង.ក សម្លាប់ខ្លួននៅក្រោមផ្ទះរបស់ម្តាយខ្លួនតែម្ដង។
បន្ទាប់ពីមានការភ្ញាក់ផ្អើលឆោឡោឡើងថា មានមនុស្សចង.ក ធ្វើអត្តឃាតបែបនេះ អ្នកភូមិក៏បានរាយការណ៍ដល់សមត្ថកិច្ច រួចសមត្ថកិច្ចបច្ចេកទេសនៃស្នងការខេត្តក៏បានចុះមកដល់កន្លែងកើតហេតុត្រួតពិនិត្យធ្វើកោសល្យវិច័យឃើញថា ជនរងគ្រោះនោះពិតជាបានចង.ក ធ្វើអត្តឃាតខ្លួនឯងពិតប្រាកដមែន ហើយសមត្ថកិច្ចក៏បានប្រគល់សាកសពឲ្យក្រុមគ្រួសារធ្វើបុណ្យតាមប្រពៃណីជនជាតិដើមភាគតិចផងដែរ៕
ខឹងប្រពន្ធស្ដីបន្ទោសតិចតួច យកខ្សែគោចង.ក ធ្វើអត្តឃាតសម្លាប់ខ្លួន
0 Comments