ភ្នំពេញ ៖ មន្ត្រីតុលាការបានថ្លែងមុននេះបន្តិចថា ជនសង្ស័យម្នាក់ត្រូវបានចៅក្រមស៊ើបសួរសាលាដំបូងរាជធានីភ្នំពេញសម្រេចកាលពីថ្ងៃទី២៦ ខែកញ្ញា ឆ្នាំ២០១៥បញ្ជូនទៅឃុំខ្លួនក្នុងពន្ធនាគារព្រៃស រឿងជួញដូរគ្រឿងប្រភេទមេតំហ្វេតាមីន ឬម៉ាទឹកកក២០កញ្ចប់។
សមត្ថកិច្ចបានថ្លែងថា ជនសង្ស័យឈ្មោះអរ វណ្ណា ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់ច្បារអំពៅ ខណ្ឌច្បារអំពៅ ត្រូវបាននគរបាលប៉ុស្តិ៍ស្រះចក ខណ្ឌដូនពេញ ឃាត់ខ្លួនកាលពីល្ងាចថ្ងៃទី២៣ ខែកញ្ញា ឆ្នាំ២០១៥ នៅចំណុចប្រេងឥន្ធនៈកាល់តិចក្បែរមន្ទីរពេទ្យកាល់ម៉ែតតាមបណ្ដោយផ្លូវលេខ៨៦កែងផ្លូវលេខ៧៥ សង្កាត់ស្រះចក ខណ្ឌដូនពេញ។
ក្នុងការឃាត់ខ្លួនជាក់ស្តែងនេះ សមត្ថកិច្ចរកបានឃើញគ្រឿងញៀន២០កញ្ចប់ផងដែរ៕
ឃុំខ្លួនជនសង្ស័យម្នាក់រឿងជួញដូរគ្រឿងញៀន២០កញ្ចប់
0 Comments