ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី២១ ខែកញ្ញា ឆ្នាំ២០១៥មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១៣លើក ក្នុងនោះយប់៧លើក បណ្ដាលឲ្យមនុស្សស្លាប់៧នាក់ ស្រី២នាក់ រងរបួសធ្ងន់១១នាក់ ស្រី៣នាក់ និងរបួសស្រាល១២នាក់ ស្រី៣នាក់។
នៅក្នុងករណីគ្រោះថ្នាក់ចរាចរណ៍ទាំង១៣លើកនេះ បានបង្កឲ្យមានការខូចខាតយានយន្តសរុប ២៣គ្រឿងក្នុងនោះមានម៉ូតូចំនួន ១៧គ្រឿង, រថយន្តធុនតូច៦គ្រឿង និងថ្មើរជើង៤នាក់។
ប្រភពព័ត៌មានខាងលើប្រាប់បន្តថា មូលហេតុដែលបណ្ដាលឲ្យកើតមានហេតុការណ៍គ្រោះថ្នាក់ចរាចរណ៍រួមមាន ល្មើសល្បឿន ៦លើក បត់គ្រោះថ្នាក់ ២លើក ស្រវឹង ២លើក មិនគោរពភ្លើងសញ្ញា ១លើក ក្នុងនោះអ្នកមិនពាក់មួកពេលគ្រោះថ្នាក់មាន ២១នាក់ (យប់១២នាក់) ។
យោងតាមរបាយការណ៍ពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បន្តឲ្យដឹងថា កាលពីថ្ងៃទី២១ ខែកញ្ញា ឆ្នាំ២០១៥រថយន្តទាំងអស់ដែលត្រូវផាកពិន័យសរុបចំនួន១,១៦៨គ្រឿង (រថយន្តធំ ៤៧១គ្រឿង) ស្មើនឹង ១,២៣០ករណី ល្មើសក្រដាសស្នាម ៦៦៦គ្រឿង ស្មើនឹង ៦៨១ករណី ចំណែកករណីល្មើសបច្ចេកទេស ៥០២គ្រឿង ស្មើនឹង ៥៤៩ករណី។ ដោយឡែកម៉ូតូត្រូវបានពិន័យសរុបចំនួន ១,២១២គ្រឿង៕
គ្រោះថ្នាក់ចរាចរណ៍សរុបថ្ងៃទី២១កញ្ញាកើតឡើង១៣លើក
0 Comments