ចិន នឹងបើកធ្វើការស៊ើបអង្កេតនៅទូទាំងប្រទេសអំពីការដាំដំណាំ ដោយការផ្លាស់ប្ដូរហ្សេន (GMO) ដែលគេសង្ស័យថា ខុសច្បាប់។ ក្រសួងកសិកម្មបានបង្ហោះនៅលើទំព័រវែបសាយរបស់ខ្លួនដូច្នេះ។
ការស៊ើបអង្កេតត្រូវបានធ្វើឡើង បន្ទាប់ពីរបាយការណ៍មួយរបស់សារព័ត៌មានហិរញ្ញវត្ថុផ្លូវការនៅសប្ដាហ៍នេះនិយាយថា សណ្ដែកសៀង GMO ត្រូវបានរកឃើញនៅក្នុងតំបន់ដាំដំណាំដ៏កំពូលរបស់ប្រទេសសម្រាប់ពូជប្រេង។ ប្រទេសចិន គឺជាអ្នកទិញដ៏កំពូលនៅ លើពិភពលោកនូវសណ្ដែកសៀង GMO ប៉ុន្ដែក្រុងប៉េកាំង មិនបានផ្ដល់ការអនុញ្ញាតសម្រាប់ការដាំក្នុងស្រុកនូវដំណាំ GMO នោះទេ បើទោះបីជាខ្លួនបានចំណាយប្រាក់ពាន់លានដុល្លារទៅលើការស្រាវជ្រាវក៏ដោយ។
ប៉ុន្ដែយ៉ាងណាក៏ដោយ ក៏កសិករមួយចំនួននៅក្នុងខេត្ដ Heilongjiang នាភាគឦសានប្រទេស កំពុងតែរីកចម្រើននូវដំណាំសណ្ដែកសៀង GMO ខុសច្បាប់ ដើម្បីស្វែងរកទិន្នផលខ្ពស់។ កាសែត China Business បានរាយការណ៍នៅសប្ដាហ៍នេះដូច្នេះ។ របាយការណ៍បានរកឃើញតំបន់មួយនៅជិតទីក្រុង Suihua ដែលដំណាំ GMO ត្រូវបានចោទប្រកាន់ថា បានដាំនៅទីនោះ ប៉ុន្ដែមិនបានផ្ដល់ភាពលម្អិតណាមួយបន្ថែមទៀតនោះទេ។
គណៈកម្មការកសិកម្ម Heilongjiang ក្នុងស្រុកបាននិយាយនៅក្នុងវែបសាយរបស់ខ្លួនថា ខ្លួនក៏នឹងស៊ើបអង្កេតផងដែរថា តើដំណាំ GMO ត្រូវបានដាំនៅក្នុងខេត្ដនេះដែរ ឬក៏យ៉ាងណានោះ។ ពួកអ្នកប្រឆាំងដំណាំ GMO បានចោទប្រកាន់ក្រសួងកសិកម្មចិនថា ខ្សោយក្នុងការធ្វើអភិបាលកិច្ចនូវដំណាំ GMO នៅក្រោមការសាកល្បងដោយបាននិយាយថា គ្រាប់ពូជត្រូវបានលក់ទៅឲ្យកសិករសម្រាប់ដាំ។ អតីតអ្នកធ្វើការជាមួយ CCTV លោក Cui Yong Yuan បាននិយាយប្រាប់អ្នករាយការណ៍ព័ត៌មានកាលពីឆ្នាំទៅថា ស្រូវ GMO ត្រូវបានដាំនៅក្នុងខេត្ដរបស់ចិនមួយចំនួន។
ខេត្ដ Heilongjiang ដែលផលិតប្រហែល១ភាគ៣នៃទិន្នផលសណ្ដែកសៀងសរុបរបស់ប្រទេសត្រូវបានគេស្គាល់ថា បានដាំដំណាំសណ្ដែកសៀងមិនមែន GMO សំបូរទៅដោយជាតិប្រូតេអ៊ីនប្រើប្រាស់ដើម្បីផលិតម្ហូបអាហាររួមទាំងតៅហ៊ូ និងទឹកស៊ីអ៊ីវនោះផង។
ចិន បាននាំចេញសណ្ដែកសៀងប្រហែល២០០,០០០តោននៅក្នុងមួយឆ្នាំ សំខាន់ទៅកូរ៉ខាងត្បូង ជប៉ុន និងអាមេរិក។ ក្រសួងកសិកម្មនៅ ដើមឆ្នាំនេះបានពិនិត្យមើលឡើងវិញការធ្វើនិយតកម្មដើម្បីបង្កើនការធ្វើអភិបាលកិច្ចនូវផលិតផលជីវៈបច្ចេកវិទ្យានៅក្រោមការអភិវឌ្ឍនៅក្នុងចំណោមការព្រួយបារម្ភខ្ពស់របស់សាធារណជនអំពីសមត្ថភាពរបស់ខ្លួនដើម្បីរក្សាផលិតផល GMO ខុសច្បាប់នៅខាងក្រៅបណ្ដាញម្ហូបអាហារ៕
Reuters
ចិន នឹងធ្វើការស៊ើបអង្កេតដំណាំ GMO ក្នុងស្រុកខុសច្បាប់
0 Comments