យោងតាមសម្តីអ្នកចាត់ការរបស់ក្លិបកាំភ្លើងធំ Arsenal លោក Arsene Wenger បាននិយាយថា ក្រុមរបស់គាត់គ្មានវិបត្តិខ្សែប្រយុទ្ធនោះទេ ហើយលោកមានការជឿជាក់ខ្លាំងណាស់ថា កីឡាករAlexis Sanchez, Olivier Giroud និង Theo Walcott ម្នាក់សុទ្ធតែអាចរកបាន២០គ្រាប់ក្នុងរដូវកាលនេះ។
គួរឲ្យដឹងថាក្លិបលេងនៅក្របខណ្ឌបាល់ទាត់ Barclays Premier League មួយនេះ គ្រោងនឹងទិញបានខ្សែប្រយុទ្ធថ្មីម្នាក់ទៅហើយ មុនពេលទីផ្សារកីឡាករបិទទ្វាទៅវិញ ក្នុងនោះ កីឡាករ Edinson Cavani និងកីឡាករ Karim Benzema សុទ្ធតែមានការជាប់ពាក់ព័ន្ធនឹងការផ្ទេរមកកាន់ទឹកដី Emirates។
ទោះបីជាយ៉ាងណាក៏ដោយ លោក Wengerបាននិយាយថា ការមិនសម្រេចទិញកីឡាករទាំងនោះ គឺដោយសារតែលោកចង់ដាក់ទំនុកចិត្តលើកីឡាករដែលក្រុមរបស់លោកមានស្រាប់។
គ្រូបង្វឹកសញ្ជាតិបារាំងម្នាក់នេះ បាននិយាយប្រាប់អ្នកសារព័ត៌មានថា លោកគិតថា កីឡាករ Giroud, Walcott នឹងអាចរកបានម្នាក់២០គ្រាប់ដោយគ្មានបញ្ហាអ្វីឡើយនៅក្នុងរដូវកាលនេះ។ លោកបានបន្តទៀតថា ជួនកាលអ្នកត្រូវតែផ្តល់ទំនុកចិត្តលើកីឡាករដែលខ្លួនមានស្រាប់ និងជំរុញឲ្យពួកគេលេងឲ្យបានល្អបំផុត នោះហើយគឺជាគោលការណ៍របស់លោក៕
លោក Arsene Wenger អះអាងថា ក្រុម Arsenal គ្មានវិបត្តិខ្សែប្រយុទ្ធ
0 Comments