បន្ទាយមានជ័យ ៖ មានករណីគ្រោះថ្នាក់ចរាចរណ៍មួយបានកើតឡើងលើកំណាត់ផ្លូវជាតិលេខ៥ ត្រង់ចំណុចតារាងបាល់ទាត់ដែលមានស្មៅសិប្បនិមិត្តចម្ងាយប្រមាណជា២០០ម៉ែត្រពីមុខស្នងការនគរបាលក្នុងភូមិក្បាលស្ពាន សង្កាត់ព្រះពន្លា ក្រុងសេរីសោភណ្ឌ ខេត្តបន្ទាយមានជ័យ។
សេចក្តីរាយការណ៍បានឲ្យដឹងថា មានគ្រោះថ្នាក់ចរាចរណ៍មួយរវាងម៉ូតូស្កូបពីដែលបើកបរដោយក្មេងទំនើងបានបើកយ៉ាងលឿនពីជើងទៅត្បូងបានបុកស្ត្រីវ័យក្មេងម្នាក់ដែលជិះពីត្បូងទៅជើងបណ្ដាលឲ្យខ្ទេចម៉ូតូទាំងសង្ខាង ចំណែកភាគីម៉ូតូទាំងសង្ខាងរងរបួសធ្ងន់នៅនឹងកន្លែងត្រូវបានរថយន្តសង្គ្រោះរបស់នគរបាលខេត្តបន្ទាយមានជ័យធ្វើការដឹកយកទៅសង្គ្រោះបន្ទាន់នៅមន្ទីរពេទ្យបង្អែកមិត្តភាពកម្ពុជាជប៉ុនស្រុកមង្គលបុរី។
បើតាមអ្នកឃើញហេតុការណ៍ក៏ដូចជាសមត្ថកិច្ចចរាចរខេត្តបន្ទាយមានជ័យ បានឲ្យដឹងថា ហេតុការណ៍គ្រោះថ្នាក់ចរាចរណ៍នេះ គឺបណ្ដាលមកពីក្មេងទំនើងខាងភាគីម៉ូតូស្កូបពីបានបើលឿន ហើយទៅបុកម៉ូតូស្កូបពីស្ត្រីរងគ្រោះបណ្ដាលឲ្យដួលលើគ្នាតែម្តង។
បច្ចុប្បន្នម៉ូតូជនរងគ្រោះទាំងសង្ខាងត្រូវបានយកទៅរក្សាទុកនៅការិយាល័យស្នងការខេត្តបន្ទាយមានជ័យ៕
ក្មេងទំនើងបើកម៉ូតូលឿនជ្រុលទៅបុកម៉ូតូមួយគ្រឿងទៀតបណ្ដាលឲ្យរងរបួសធ្ងន់ទាំងសង្ខាង
0 Comments