ភ្នំពេញ ៖ បុរសម្នាក់ មិនស្គាល់អត្តសញ្ញាណ បានដើរតាមផ្លូវ ត្រូវរថយន្តមិនស្គាល់ម៉ាក បុកកិនបែកក្បាល បណ្តាលឲ្យស្លាប់ យ៉ាងអាណោចអាធ័ម ចំណែករថយន្ត បើករត់គេចខ្លួនបាត់ បង្កឲ្យមានការភ្ញាក់ផ្អើលកាលវេលាម៉ោង៧និង៤០នាទីយប់ ថ្ងៃទី៣០ ខែមេសាឆ្នាំ ២០១៩ នៅតាមបណ្ដោយ វិថីឈ្នះឈ្នះ(ហៅផ្លូវទំនប់កប់ស្រូវ)ដែលស្ថិតនៅភូមិ ត្រពាំងធ្នង់ សង្កាត់ សំរោងក្រោមខណ្ឌពោធិ៍សែនជ័យ។
តាបប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តធុនធំមួយគ្រឿងមិនចាំស្លាកលេខធ្វើដំណើរទិសដៅពីជើងទៅត្បូង លុះមកដល់ចំណុចកើតហេតុខាងលើបានជ្រុលទៅបុកកិនជនរងគ្រោះ ខណៈកំពុងដើរតាមផ្លូវបណ្តាលឲ្យបែកក្បាលស្លាប់ក្នុងថ្លុកឈាមនៅកណ្តាលផ្លូវយ៉ាងអាណោចអាធម៌ ចំណែករថយន្តបានបើករត់គេចខ្លួនបាត់ស្រមោល។
ក្រោយកើតហេតុសមត្ថកិច្ចមូលដ្ឋានទំនាក់ទំនងទៅសមត្ថកិច្ចជំនាញ ចុះមកធ្វើកំណត់ហេតុរួចដឹកសពយកទៅតម្កល់ទុកនៅវត្តតាំងកសាងរង់ចាំប្រគលជូនសាច់ញាតិយកទៅធ្វើបុណ្យតាមប្រពៃណី និងស្រាវជ្រាវរករថយន្ដបង្ក៕
Source: Kampuchea Thmey Daily
0 Comments