រតនគិរី ៖ ផ្សិតពស់វែក ឬ ផ្សិតឫស្សី ឫក្សផ្សិតលីងជឺខ្មែរ ស្ងួត ឈ្មួញកណ្តាលហ៊ានទិញក្នុង១គីឡូក្រាមចាប់ពី៦៥០០០រៀល ទៅ១០ម៉ឺនរៀល។
បុរសជនជាតិដើមភាគតិចទំពួនរស់នៅភូមិទុសច្រិចបានឲ្យដឹងថា ផ្សិតឫស្សី ឫផ្សិតពស់វែកនេះដុះនៅនឹងដើមឫស្សីដែលងាប់ ពុក ត្រូវទឹក ឬទឹកភ្លៀងនៅរដូវវស្សា ពេលដែលផ្សិតនោះដុះហើយល្មមសមគួរ ប្រជាពលរដ្ឋនៅក្នុងភូមិតែងតែដើរចូលព្រៃដើម្បីទៅដកផ្សិតខាងលើនេះយកមកហាថ្ងៃឲ្យស្ងួតយកមកលក់ឲ្យឈ្មួញកណ្តាលដែលមានតម្លៃចាប់ពី៦៥០០០រៀល ទៅ១០ម៉ឺនរៀលក្នុង១គីឡូងក្រាម ហើយឈ្មួញកណ្តាលនោះភាគច្រើនជាជនជាតិវៀតណាមដែលទិញយកទៅប្រទេសរបស់គេ ចំណែកឯកគុណភាពមានការនិយាយតគ្នាពីមាត់មួយទៅមាត់មួយថា ជាផ្សិតដែលព្យាបាលជំងឺខ្សោយក្រលៀន ឫប៉ូវក្រលៀន ប៉ុន្តែមិនមានវេជ្ជបណ្ឌិតណាអះអាងរកឃើញថា ឱសថសម្រាប់ព្យាបាលរោគខាងលើដូចការនិយាយតគ្នាពីមាត់មួយទៅមាត់មួយនោះទេ។
ស្ត្រីវ័យចំណាស់ជាជនជាតិវៀតណាមដែលជាឈ្មួញកណ្តាលបានឲ្យដឹងកាលពីរសៀលថ្ងៃទី១៩ ខែតុលា ឆ្នាំ២០១៥ ដឹងថា ចំពោះការប្រមូលទិញផ្សិតឫស្សី ផ្សិតពស់វែក ឫក្សផ្សិតលីងជឺខ្មែរ គាត់មានប្រសាសន៍ថា មិនដឹងជាឈ្មួញវៀតណាមគេទិញយកទៅព្យាបាលឫកែរោគអ្វីនោះទេ គាត់ក៏មិនដឹងដែរ ប៉ុន្តែស៊ីសងឈ្មួញនៅប្រទេសវៀតណាមគេដាក់ឲ្យគាត់ជាអ្នកប្រមូលទិញដើម្បីយកទៅប្រទេសវៀតណាម។
គួរបញ្ជាក់ថា ផ្សិតឫស្សី ផ្សិតពស់វែក ឫក្សផ្សិតលីងជឺខ្មែរនេះត្រូវបានប្រជាពលរដ្ឋមួយចំនួនរស់នៅតាមបណ្តាលស្រុក ត្រូវបានគេដើរចូលទៅក្នុងព្រៃដកផ្សិតនោះមកហាលឲ្យស្ងួតរួចលក់ឲ្យទៅឈ្មួញកណ្តាល ហើយត្រូវឆ្លងកាត់ពីប្រទេសកម្ពុជា ប្រទេសវៀតណាម រួចឆ្ពោះទៅកាន់ប្រទេសទី៣(ចិន)៕
ផ្សិតឫស្សី ឫផ្សិតពស់វែកក្រៀមតម្លៃ១គីឡូក្រាមពី៦៥០០០រៀល ទៅ១០ម៉ឺនរៀល
0 Comments