យន្ដហោះគ្មានមនុស្សបើកមានកេរ្ដិ៍ឈ្មោះមិនល្អនៅក្នុងប្រទេសជប៉ុន ជាពិសេសបន្ទាប់ពីបុរសម្នាក់បានចុះចត UAV មួយគ្រឿងផ្ទុកដីខ្សាច់មានសារធាតុវិទ្យុសកម្មនៅពីលើផ្ទះនាយករដ្ឋមន្ដ្រី នៅក្នុងខែមេសា នោះមក។ យ៉ាងណាក៏ដោយ ក៏អ្នកផលិតគ្រឿងអេឡិចត្រូនិក ដែលចម្លងអគ្គិសនីសពាក់កណ្ដាល RHOM របស់ជប៉ុន បានរកឃើញមធ្យោបាយមួយដើម្បីធ្វើយន្ដហោះគ្មានមនុស្សបើក (drone) ដោយប្រើបច្ចេកវិទ្យាធ្វើឲ្យចាប់អារម្មណ៍ថែមទៀតនៅក្នុងប្រទេសនេះ។
នៅក្នុងការតាំងពិព័រណ៍រួមបញ្ចូលគ្នានូវពាណិជ្ជកម្មបច្ចេកវិទ្យា ដែលរីកចម្រើននៅទីក្រុងតូក្យូ ក្រុមហ៊ុនផលិតឧបករណ៍ចម្លងអគ្គិសនីពាក់កណ្ដាល LA-PIS ជាសាខារបស់ RHOM បានបញ្ចេញឲ្យដឹង Orizuru ជាសត្វក្រៀលក្រដាសចេះហើរបានដោយសារតែភាពប៉ិនប្រសប់បន្ដិចបន្ដួចរបស់ជប៉ុន។
បច្ចេកវិទ្យាដែលផ្ដល់ថាមពលដល់ឧបករណ៍តូចតាចដ៏ស្រស់ស្អាតនេះ គឺ Lazurite Fly ជាកុំព្យូទ័រដ៏តូចមួយរៀបចំគូរប្លង់ដោយ LA-PIS ដែលគេនិយាយថា មានថាមពល៩០ភាគរយច្រើនជាងថាមពលកុំព្យូទ័ររបស់ខ្លួន ដូចជា Arduino ជាដើម ដែលមានទំហំដែលអាចប្រៀបធៀបបានទៅនឹង SD card មួយ។
ពាក្យថា drone បានបង្កើតនូវភាពអវិជ្ជមានមួយនៅពេលថ្មីៗនេះ នៅក្នុងប្រទេសជប៉ុន ជាកន្លែងដែលមានបញ្ហាជាមួយនឹងការប្រើប្រាស់នូវបច្ចេកវិទ្យានេះ។ នៅក្នុងខែកក្កដា ជប៉ុន បានចាត់ទុកជាការខុសច្បាប់ ចំពោះប្រជាជនស៊ីវិលដែលជិះ UAV នៅជុំវិញមជ្ឈមណ្ឌលនយោបាយ ឬក៏វាំងរបស់អធិរាជ បន្ទាប់ពីឧប្បត្ដិហេតុនៅក្នុងខែមេសា ដែលគេបានឃើញបុរសម្នាក់ធ្វើបាតុកម្មតវ៉ាប្រឆាំងនយោបាយថាមពលនុយក្លេអ៊ែររបស់ជប៉ុន ដោយជិះយន្ដហោះ drone ផ្ទុកដីខ្សាច់មានសារធាតុវិទ្យុសកម្ម និងចុះចតនៅលើដំបូលផ្ទះរបស់លោកនាយករដ្ឋមន្ដ្រីស៊ីនហ្សូ អាបេ នោះមក។ សត្វក្រៀលក្រដាស Orizuru គឺជាផ្នែកមួយសំដៅផ្ដល់ការសប្បាយរីករាយយ៉ាងច្រើនជាមធ្យោបាយធម្មជាតិដើម្បីប្រើប្រាស់ និងរុករកបច្ចេកវិទ្យា។
សត្វក្រៀលក្រដាស ដែលហើរដោយឧបករណ៍បញ្ជា ក៏ត្រូវបានអភិវឌ្ឍដោយ RHOM និងក្រុមហ៊ុនយន្ដហោះដ៏តូចមួយ Tyoukogata Hikoutai Lab ជាមួយក្ដីសង្ឃឹមនៃការបង្កើតបច្ចេកវិទ្យាដើម្បីចម្លងចលនាពិតប្រាកដនៃបក្សីនៅក្នុងពេលហើរ។ សត្វក្រៀលក្រដាស គឺជាជម្រើសធម្មជាតិ និងជានិមិត្ដសញ្ញាសម្រាប់ប្រទេសជប៉ុន។
ដោយប្រើប្រាស់គ្រោងឆ្អឹងបោះពុម្ពដោយ 3D ធ្វើពីខ្សែនីឡុង ដើម្បីផ្ដល់រូបរាងដល់ Orizuru ជាមួយស្រទាប់ក្រដាសដើម្បីផ្ដល់រូបរាងបន្ថែមនោះ Lazurite Fly មានទម្ងន់តែ៣១ក្រាម ជាមួយថ្ម និងឧបករណ៍តាមដានការប្រែប្រួលរួមបញ្ចូលផង និងមានដងខ្លួនប្រវែង៧០សង់ទីម៉ែត្រ៕
CNet
អ្នកផលិតគ្រឿងអេឡិចត្រូនិកជប៉ុន បង្កើតយន្ដហោះគ្មានមនុស្សបើក តាមស្ទីលបត់ក្រដាស
0 Comments