សហព័ន្ធកីឡាបាល់ទាត់កម្ពុជា ត្រៀមបញ្ជូនក្រុមជម្រើសជាតិរបស់ខ្លួន ទៅចូលរួមប្រកួតពានរង្វាន់អន្តរជាតិមួយឈ្មោះថា 2015 Yunnan, Asean International Football Open Tournament នៅសាធារណរដ្ឋប្រជាមានិតចិន នាចុងខែវិច្ឆិកា ឆ្នាំ ២០១៥ ខាងមុខ។ នេះយោងតាមលិខិតលេខ ៤១៣/១៥ ស.ប.ក ដែលផ្សាយជាសាធារណៈកាលពីពាក់កណ្ដាលខែតុលា របស់សហព័ន្ធកីឡាបាល់ទាត់កម្ពុជា។
តាមគម្រោងខាងប្រទេសចិន ជាម្ចាស់ផ្ទះបានអញ្ជើញក្រុមជម្រើសជាតិដែលពាក់ព័ន្ធឲ្យទៅចូលរួមមានដូចជា ជម្រើសជាតិ កម្ពុជា មីយ៉ាន់ម៉ា ថៃ ឡាវ វៀតណាម បង់ក្លាដេស និងក្រុមជម្រើសខេត្ត Yunnan របស់ចិនផងដែរ។
នរង្វាន់ 2015 Yunnan, Asean International Football Open Tournament ដែលរៀបចំឡើងក្នុងគោលបំណងភ្ជាប់មិត្តភាពតំបន់អាស៊ាន និងប្រទេសចិននេះ នឹងរៀបចំចាប់ពីថ្ងៃទី ២០ ដល់ ៣០ ខែ វិច្ឆិកា ឆ្នាំ ២០១៥ នៅទីក្រុង Mang Shi City ក្នុងខេត្តYunnan ដែលមានព្រំប្រទល់ជាប់នឹងប្រទេសតំបន់អាស៊ាន ដូចជា វៀតណាម ឡាវ និង មីយ៉ាន់ម៉ា ជាដើម។
នេះជាការប្រកួតកម្ដៅសាច់ដុំដ៏សំខាន់មួយសម្រាប់ក្រុមជម្រើសជាតិកម្ពុជា ដើម្បីត្រៀមខ្លួនប្រកួតប្រជែងក្នុងពានរង្វាន់សំខាន់ៗ នៅឆ្នាំ ២០១៦ បន្ទាប់ពីប្រកួតជម្រុះពានរង្វាន់បាល់ទាត់ពិភពលោក 2018 FIFA World Cup Russia ប្រចាំទ្វីបអាស៊ី ជាមួយក្រុមអាហ្វហ្គានីស្ថាន និង ជប៉ុន នៅខេត្តវិច្ឆិកា ខាងមុខរួច។
សូមបញ្ជាក់ថា កាលពីឆ្នាំ ២០១៤ កន្លងទៅពានរង្វាន់នេះមានក្រុមចូលរួមចំនួន ៨ ក្នុងនោះមានក្រុម ៦ ទៅពីតំបន់អាស៊ានរួមមាន ក្លិប Muang Thong United (ប្រទេសថៃ) Hanoi T&T (វៀតណាម) Yadanarbon (មីយ៉ានម៉ា) Sabah FA (ម៉ាឡេស៊ី) ក្រុមជម្រើសជាតិឡាវ និងក្រុមភ្នំពេញក្រោន (កម្ពុជា) និង២ ក្រុមទៀតមកពីប្រទេសចិន៕
ព័ត៌មានបន្ថែមពីក្រុមជម្រើសជាតិកម្ពុជា ត្រៀមចូលរួមប្រកួតពាន អាស៊ាន-ចិន នៅខែវិច្ឆិកា
0 Comments