ភ្នំពេញ ៖ ប៉ូលិសខណ្ឌទួលគោកនៅម៉ោង៩ និង២០នាទីថ្ងៃទី២៨ ខែតុលានេះបានបង្ហាញមុខជនសង្ស័យ២នាក់ ដែលបានធ្វើសកម្មភាពឆក់កាបូបលុយ កាលពីថ្ងៃទី២៧ ខែតុលា ឆ្នាំ២០១៥វេលាម៉ោង២២និង២០នាទី នៅចំណុចមុខផ្ទះលេខ១៥២ ផ្លូវលេខ១៣៨ ក្រុមទី៨ ភូមិ៣ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ជនសង្ស័យទាំង២នាក់ទី១ត្រូវបានគេស្គាល់ ឈ្មោះ ចាន់ ហ្គោ ហៅ ហ្គោ ភេទប្រុស. អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះជួលផ្លូវលំ ក្រុមទី២ ភូមិទ្រា២ សង្កាត់ស្ទឹងមានជ័យ ខណ្ឌមានជ័យ (ជាអ្នកបើកម៉ូតូ) ។ ទី២-ឈ្មោះ ឆាយ វីរ: ហៅ វីរ: ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវលំ ក្រុមទី២ ភូមិទ្រាទី២ សង្កាត់ស្ទឹងមានជ័យ ខណ្ឌមានជ័យ(ជាអ្នកធ្វើសកម្មភាពឆក់).។ ចំណែកជនរងគ្រោះ ត្រូវបានគេស្គាល់ឈ្មោះ លឹម ថូ ភេទស្រី អាយុ៤៨ឆ្នាំមុខរបរអ៊ុតសក់ ស្នាក់នៅផ្ទះលេខ៧A ផ្លូវលេខ២៥៣ ក្រុម៥សង្កាត់ទឹកល្អក់ទី១ ខ្ឌទួលគោកក្នុងការឃាត់ខ្លួនជនសង្ស័យទាំង២នាក់នេះប៉ូលិសដកហូតបានលុយដុល្លាចំនួន១០$ទូរស័ព្ទចំនួន០១គ្រឿងម៉ាកL Gចិនពណ៌ខ្មៅ កាបូបដៃចំនួន០១ពណ៌ផ្កាឈូកអុចពណ៌សតូចៗ។
មន្ត្រីប៉ូលិសខណ្ឌទួលគោកបានឲ្យដឹងថា នៅមុនពេលកើតហេតុជរងគ្រោះបានជិះម៉ូតូមួយគ្រឿងម៉ាក អាយខុនពណ៌លឿងដោយប្អូនប្រុសជាអ្នកឌុបត្រឡប់មកពីបុណ្យនៅវត្តព្រែកប្រាង្គ ម្តុំព្រែកក្តាម ស្រុកពញាឮ ខេត្តកណ្តាល នៅពេលជិះមកដល់ចំណុចកើតហេតុ ក៏ត្រូវបានជនសង្ស័យធ្វើសកម្មភាពឆក់កាបូបបាន រួចបើកម៉ូតូគេចខ្លួនតែត្រូវបានជនរងគ្រោះស្រែកឲ្យជួយពេលនោះ កម្លាំងល្បាតរបស់ ប៉ុស្តិ៍ទឹកល្អក់ទី២ ដែលកំពុងល្បាតនៅក្បែរនោះក៏ជួយអន្តរាគមន៍ រហូតចាប់បានជនសង្ស័យទាំង២នាក់ជាក់ស្តែងនាំមកប៉ុស្តិ៍ដើម្បីសាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌទួលគោកចាត់ការតាមផ្លូវច្បាប់៕
ឃាត់ខ្លួនជនសង្ស័យបាន២នាក់ជាក់ស្តែង ពីបទឆក់កាបូបលុយនៅទួលគោក
0 Comments