ពិភពលោកទាំងមូល គួរតែបញ្ឈប់ការចាក់វ៉ាក់សាំងឲ្យដល់កុមារប្រឆាំងនឹងករណីមួយនៃជំងឺទាំង៣ប្រភេទ នៃដំណើរកើតប៉ូលីយ៉ូ ដែលបង្កដោយវីរុស។ អ្នកជំនាញឯកទេសផ្នែកសុខភាពមួយក្រុម បានផ្ដល់ប្រឹក្សាយ៉ាងនេះដល់អង្គការសុខភាពពិភពលោក (WHO)។
មិនមានអ្វីសម្រាប់ព្យាបាលជំងឺប៉ូលីយ៉ូនេះឲ្យជាសះស្បើយបាននោះទេ ដែលវាវាយប្រហារទៅលើប្រព័ន្ធប្រសាទ ហើយដែលអាចបណ្ដាលឲ្យលែងកម្រើកដៃជើងបានតែក្នុងរយៈពេលប៉ុន្មានម៉ោង បន្ទាប់ពីរងការចម្លងវីរុសប៉ូលីយ៉ូនោះមក។
ជាទូទៅវិញ ករណីដែលអាចបង្ការជំងឺនេះបានគឺមានតែផ្ដល់វ៉ាក់សាំុងបន្ដក់ជាជំនួសវិញតែប៉ុណ្ណោះ ដែលអាចទប់ស្កាត់បានទាំងគ្រប់ប្រភេទនៃជំងឺប៉ូលីយ៉ូនោះតែម្ដង។
ក្រុមអ្នកវិទ្យាសាស្ដ្រ នៅពេលនេះកំពុងតែផ្ដល់ជាអនុសាសន៍ឲ្យផ្ដល់វ៉ាក់សាំងប្រភេទបន្ដក់តាមមាត់នេះ ដែលផ្ដោតទៅលើប្រភេទជំងឺប៉ូលីយ៉ូ Type1 និង Type 3 រវាងថ្ងៃទី១៧ ខែមេសា និងថ្ងៃទី០១ ខែឧសភា ឆ្នាំ២០១៦ ខណៈពេលដែលប៉ូលីយ៉ូប្រភេទ Type 2 វិញ មិនត្រូវបានគេរកឃើញទេ តាំងពីឆ្នាំ១៩៩៩ មក។
បើតាមការលើកឡើងដោយ Jon Abramson ដែលជាប្រធាននៃក្រុមអ្នកជំនាញឯកទេសនោះថា ពិភពលោកបានត្រៀមរៀបចំក្នុងការលុបបំបាត់ជំងឺមួយនេះ ដូចជាប្រភេទជំងឺអុតតូច ឬ Smallpox នោះដែរហើយ។ យុទ្ធនាការចាក់វ៉ាក់សាំងជាកសលមួយបានផ្ដោតទិសដៅក្នុងការកម្ចាត់គ្រប់ប្រភេទ (ទាំង៣) នៃប៉ូលីយ៉ូនេះ។ ដោយឡែកនៅឆ្នាំនេះវិញករណីដែលកើតមានប៉ូលីយ៉ូ គឺមានតែនៅក្នុងប្រទេសប៉ាគីស្ថាន និងអាហ្វហ្គានីស្ថាន ត្រូវបានរាយការណ៍អំពីករណីនៃជំងឺនេះ៕
Reuters
អ្នកជំនាញឯកទេសរបស់WHOបង្ហាញពីសញ្ញាជោគជ័យលើករណីមួយ នៃជំងឺប៉ូលីយ៉ូ ទាំង៣ប្រភេទ
0 Comments