ភ្នំពេញ ៖ យុវជនម្នាក់បានចូលងូតទឹកក្នុងស្រះក្នុងដីឡូតិ៍មួយកន្លែងបណ្តាលឲ្យលង់ទឹកស្លាប់ខណៈចុះងូតទឹកជ្រៅតែមិនចេះហែលទឹក។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង២ រសៀលថ្ងៃទី២៧ ខែវិច្ឆិកា ឆ្នាំ២០១៥ ស្ថិតនៅក្រុមទី៥ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ។
សមត្ថកិច្ចបានឲ្យដឹងថា យុវជនរងគ្រោះឈ្មោះ អ៊ុងចាន់រីហា ភេទប្រុសអាយុ១៨ឆ្នាំ រស់នៅភូមិខ១ សង្កាត់ច្រាំងចំរេះទី១ ខណ្ឌឫស្សីកែវ។
ប្រភពខាងលើបន្តថា នៅមុនពេលកើតហេតុជនរងគ្រោះបានចុះងូតទឹកនៅក្នុងស្រះ ហើយទៅដល់ទឹកជ្រៅមិនចេះហែលទឹកផុតដៃផុតជើងក៏លង់ស្លាប់តែម្តង។
ក្រោយហេតុការណ៍ សមត្ថកិច្ចបានពិនិត្យបញ្ជាក់ថា ជនរងគ្រោះពិតជាលង់ទឹកស្លាប់មែន មិនមានករណីផ្សេងឡើយ៕
យុវជនម្នាក់ចុះងូតទឹកស្រះលង់ស្លាប់យ៉ាងអាណោចអាធ័ម
0 Comments