ភាពជឿនលឿនរយៈពេលយូរអង្វែង នៅក្នុងការកាត់បន្ថយគ្រោះថ្នាក់អន្ដរាយដោយសារតែចម្ការមីនប្រែក្លាយទៅជាបញ្ច្រាសទិសទៅវិញកាលពីឆ្នាំទៅមិញ ហើយក្រុមឧទ្ទាមបានប្រើប្រាស់គ្រាប់មីននៅក្នុងចំនួន១០ប្រទេស ដែលនេះជាចំនួនយ៉ាងសម្បើមចាប់តាំងពីឆ្នាំ២០០៦មក។ នេះជាការលើកយកមកនិយាយដោយក្រុមអ្នកសិក្សាស្រាវជ្រាវ។
ក្រុមដែលមិនមែនជារដ្ឋណាមួយនោះ កំពុងតែប្រើប្រាស់គ្រឿងផ្ទុះដែលអាចសម្លាប់ជីវិតមនុស្សនេះនៅក្នុងរយៈពេល១២ខែ បើគិតមកដល់ខែតុលា ឆ្នាំ២០១៥ នៅប្រទេសកូឡុំប៊ី លីប៊ី មីយ៉ាន់ម៉ា ប៉ាគីស្ថាន ស៊ីរី និងយេមែន ហើយថែមទាំងនៅក្នុងប្រទេសអាហ្វហ្គានីស្ថាន។
ចម្ការមីន ក៏ត្រូវបានប្រើប្រាស់ដោយក្រុមឧទ្ទាមនៅក្នុង៣ប្រទេសនោះគឺអ៊ីរ៉ាក់ ទុយនេស៊ី និងអ៊ុយក្រែន ដែលកាលពីឆ្នាំកន្លងមកមិនដែលប្រើប្រាស់មីនសោះ ហើយគ្រាប់មីនក៏ត្រូវបានប្រទេសចំនួន៣យកមកប្រើប្រាស់ គឺមីយ៉ាន់ម៉ា ស៊ីរី និងកូរ៉េខាងជើង។
សរុបមានមនុស្ស ៣,៦៧៨នាក់ បានស្លាប់ ឬរងរបួសដោយសារគ្រាប់មីនកាលពីឆ្នាំទៅ គឺស្លាប់ប្រមាណ១០នាក់ជារៀងរាល់ថ្ងៃ។ ចំនួននេះហើយដែលកើនឡើងពី ៣,៣០៨នៅឆ្នាំ២០១៣ ប៉ុន្ដែនៅតែទាបជាងឆ្នាំ១៩៩៩ ដែលជាឆ្នាំនាំឲ្យសន្ធិសញ្ញាដ៏ចម្បងមួយកើតមានដោយការចាប់បង្ខំ ព្រោះតែក្នុងមួយថ្ងៃមានអ្នកស្លាប់ដោយសារគ្រាប់មីនកប់ក្នុងដីប្រមាណ២៥លើក។
ក្ដីអន្ដរាយដ៏ធំសម្បើមនោះ មានប្រមាណដល់ទៅ៨០ភាគរយ ត្រូវបានរាយការណ៍ថា ជាវិនាសកម្មមកលើជនស៊ីវិល៕
AFP
ក្ដីអន្តរាយ បង្កឡើងដោយចម្ការមីនសកល កើនឡើង
0 Comments