ភ្នំពេញ ៖ បុរសម្នាក់បានរងរបួសធ្ងន់រហូតសន្លប់ឈឹង នៅនឹងកន្លែងកើតហេតុបន្ទាប់ពីជិះម៉ូតូថ្មីរបស់ខ្លួន ដែលទើបទិញបានថ្មីៗហើយនាំគ្នាជប់លៀងផឹកស៊ីរហូតដល់ស្រវឹងជិះម៉ូតូបុករបាំងថ្មបណ្ដាលឲ្យរងរបួសរហូតសន្លប់បែបនេះ។
ពេលជនរងគ្រោះទៅពេទ្យបាត់ស្រាប់តែលេចមុខបុរសពីរនាក់មកអះអាងថា ជាបងប្អូនជនរងគ្រោះហើយបម្រុងយកម៉ូតូជនរងគ្រោះទៅផ្ទះវិញ តែសមត្ថកិច្ចមិនព្រមឲ្យគ្មានភស្ដុតាងឬឯកសារណាមួយបញ្ជាក់ច្បាស់ថា ជាបងប្អូននោះទេ ដោយមានការសង្ស័យខ្លាចក្រែងមានជនឱកាសនិយមឆ្លៀតឱកាសពេលគេមានគ្រោះថ្នាក់ ទើបនគរបាលមិនទាន់ប្រគល់ម៉ូតូរបស់ជនរងគ្រោះឲ្យទៅអ្នកណាឡើយ មិនតែប៉ុណ្ណោះនគរបានដកហូតទាំងម៉ូតូរបស់អ្នកមកអះអាងថា ជាបងប្អូននោះថែមមួយគ្រឿងទៀតព្រមទាំងសួរនាំពីជីវប្រវត្តិឲ្យបានច្បាស់សិនឬអាចនិយាយបានថា រង់ចាំមានអ្នកមកធនាដែលមានឯកសារត្រឹមត្រូវ ទើបអាចយកម៉ូតូចេញបាន។
ហេតុការណ៍នេះកើតឡើងកាលពីវេលាម៉ោង ៨និង២០នាទីយប់ថ្ងៃទី៨ខែវិច្ឆិកា ឆ្នាំ២០១៥នៅតាមបណ្ដោយផ្លូវវេងស្រេង មុខឃ្លាំងស៊ីម៉ងត៍ ឡុងម៉េង ស្ថិតក្នុងភូមិត្រពាំងថ្លឹង សង្កាត់ចោមចៅខណ្ឌពោធិ៍សែនជ័យ។ ជនរងគ្រោះជិះម៉ូតូម៉ាកហុងដាឌ្រីមសេ125ពណ៌ខ្មៅមិនទាន់មានស្លាកលេខជិះម្នាក់ឯងបើកពីកើតទៅលិចដោយស្ថានភាពស្រវឹង។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុជនរងគ្រោះ ចេញមកពីផ្ទះបងប្អូននៅម្តុំផ្សារច្បារអំពៅ បន្ទាប់ពីជប់លៀងផឹកស៊ីបន្តិចបន្តួច ក្រោយពីទិញម៉ូតូថ្មីរួចនោះ បន្ទាប់ពីផឹក
ស៊ីហើយនោះបានជិះម្នាក់ឯងតាមផ្លូវវេងស្រេង ទិសដៅពីកើតទៅលិច ក្នុងល្បឿនលឿនប្រដេញគ្នាជាមួយម៉ូតូមួយគ្រឿងទៀត ខណៈមកដល់ចំណុចកើតហេតុ បានវ៉ាម៉ូតូនៅខាងមុខហើយក៏ជ្រុលទៅបុករបាំងថ្មនៅកណ្ដាលទ្រូងផ្លូវ តែម្តងបណ្តាលឲ្យដួលបោកនឹងថ្នល់សន្លប់ស្ដូកស្ដឹងហើយត្រូវបងប្អូនបានបញ្ជូនទៅមន្ទីរពេទ្យរុស្សីដើម្បីព្យាបាល។ ក្រោយពេលកើតហេតុដោយសារជនរងគ្រោះទៅពេទ្យបាត់ហើយនោះសមត្ថកិច្ច បានយកម៉ូតូជនរងគ្រោះមករក្សាទុកនៅប៉ុស្តិ៍ចោមចៅមួយអន្លើសិនប៉ុន្ដែពេលនោះស្រាប់តែមានបុរសម្នាក់ដែលអះអាងខ្លួនឯងថា ជាបងប្អូនជនរងគ្រោះនឹងម្នាក់ទៀតជួយមកអះអាងនឹងរារាំងមិនឲ្យនគរបាលយកម៉ូតូទៅប៉ុស្តិ៍ ដោយខ្លាចសមត្ថកិច្ចយកលុយកាក់ថែមទៀតពីជនរងគ្រោះ។ ចំណែកសមត្ថកិច្ចបានិយាយថា ដោយជនរងគ្រោះទៅពេទ្យបាត់គ្មានអ្នកណាមានសិទ្ធិក្នុងការមកយកម៉ូតូចេញពីកន្លែង កើតហេតុក្រៅពីសមត្ថកិច្ចឡើយ។
ហើយសមត្ថកិច្ចបានយកម៉ូតូទៅរក្សាទុកឲ្យជនរងគ្រោះ ក្រែងមានជនឆ្លៀតឱកាស មកយកម៉ូតូជនរងគ្រោះខុសនីតិវិធី។ ហើយសមត្ថកិច្ចបានហៅបុរសពីរនាក់នោះមកធ្វើសាវតានឹងដកហូតម៉ូតូមួយគ្រឿងម៉ាកសង់សេ125ពាក់ស្លាកលេខភ្នំពេញ1bT6277 ពីបុរសពីរនាក់នោះមករក្សាទុកមួយគ្រឿងទៀត រង់ចាំយកឯកសារគ្រប់គ្រាន់មកបង្ហាញទើបប្រគល់ឲ្យវិញ៕
ទើបទិញម៉ូតូបានជប់លៀងផឹកស្រវឹង ជិះបុករបាំងថ្មសន្លប់ឈឹង
0 Comments