ស្វាយរៀង ៖ យុវជនម្នាក់ត្រូវបានកម្លាំងសមត្ថកិច្ចកងរាជអាវុធហត្ថខេត្ត សហការជាមួយកម្លាំងសមត្ថកិច្ចស្រុកធ្វើការឃាត់ខ្លួនតាមដីកាលេខ៩៩ តព្រ១៥ ចុះថ្ងៃទី២៣ ខែកក្កដា ឆ្នាំ២០១៥ ចុះហត្ថលេខាដោយលោក ហម ឍម៉េងសែ ចៅក្រមស៊ើបសួរ នៃសាលាដំបូងខេត្តស្វាយរៀងពីបទហិង្សាដោយចេតនា និងធ្វើឲ្យខូចខាតដោយចេតនាមានស្ថានទម្ងន់ទោស។ ការឃាត់ខ្លួននេះបានធ្វើឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែវិច្ឆិកា ឆ្នាំ២០១៥ នៅចំណុចក្នុងភូមិត្រពាំងបុណ្យ ឃុំព្រៃគគីរស្រុកចន្ទ្រា។
សមត្ថកិច្ចកងរាជអាវុធហត្ថខេត្តស្វាយរៀងបានឲ្យដឹងថា ជនដែលត្រូវចោទមានឈ្មោះ ដួងដារ៉ា អាយុ១៧ឆ្នាំ មានទីលំនៅក្នុងភូមិត្រពាំងបុណ្យ ឃុំព្រៃគគីរ ស្រុកចន្ទ្រា បានប្រព្រឹត្តបទល្មើសហិង្សាដោយចេតនា និងធ្វើឲ្យខូចខាតដោយចេតនាមានស្ថានទម្ងន់ទោសកាលពីថ្ងៃទី៨ ខែមីនា ឆ្នាំ២០១៥ ស្ថិតក្នុងភូមិត្រពាំងបុណ្យ ឃុំព្រៃគគីរ ស្រុកចន្ទ្រា។ បច្ចុប្បន្ន ជនដែលត្រូវចោទ សមត្ថកិច្ចកងរាជអាវុធហត្ថខេត្តស្វាយរៀងកសាងសំណុំរឿងបញ្ជូនទៅតុលាការកាត់ទោសតាមច្បាប់៕
ឃាត់ខ្លួនយុវជនម្នាក់តាមដីកាតុលាការ ពីបទហិង្សាដោយចេតនានៅស្រុកចន្ទ្រា
0 Comments