ពោធិ៍សាត់ ៖ បុរសសាក់ពេញខ្លួនម្នាក់ ជាមួយវត្ថតាងកាំបិតស្នៀតមុតស្រួច និង ពាក់ច្រវាក់ ជាប់និង ជាប្រសប់សម្រាប់ដើរទាឆ្កែអ្នកស្រុកយកទៅលក់ ដើម្បីយកលុយទៅទិញម៉ាទឹកកកជក់ ត្រូវបាននគរបាលស្រុកក្រគរចាប់វៃខ្នោះ បញ្ជូនទៅកាន់តុលាការភ្លាមៗ បន្ទាប់ពីមន្ត្រីនគរបាលយុត្តិធម៌ទទួលបានបទបញ្ជា ពីព្រះរាជអាជ្ញា សាលាដំបូងខេត្ត ពោធិ៍សាត់រួចមក។
ហេតុការណ៍នេះបានកើតឡើងកាលពីវេលាម៉ោង៩និង៤០នាទីព្រឹកថ្ងៃទី២០ ខែវិច្កិកា ឆ្នាំ២០១៥ ត្រង់ចំណុចក្រោយវិទ្យាល័យហ៊ុន សែនក្រគរ ក្នុងភូមិត្រពាំងស្វាយ ឃុំក្បាលត្រាច ស្រុកក្រគរ ខេត្តពោធិ៍សាត់។
បើតាមមន្ត្រីរដ្ឋបាលប៉ុស្តិ៍ដែលសហការណ៍ជាមួយកម្លាំងអធិការដ្ឋាន នគរបាលស្រុកក្រគរឲ្យដឹងថា ជនសង្ស័យដែលព្រះរាជអាជ្ញាដាក់បទបញ្ជាឲ្យមន្ត្រីនគរបាលយុត្តិធម៌ចាប់ខ្លួននេះឈ្មោះ សុខ ផេង អាយុ ២៩ឆ្នាំភេទប្រុស រស់នៅទីតាងចាប់ខ្លួននេះ ពីបទប្រើប្រាស់សារធាតុញៀននិងប្រព្រឹត្តអំពើ ចោរកម្ម។
លោក អែម រុន អធិការដ្ឋាននគរបាលស្រុកក្រគរ បានឲ្យដឹងថា នៅព្រឹកថ្ងៃទី២០ខាងលើលោក តន់ សីហតេជ ព្រះរាជអាជ្ញាសាលាដំបូងខេត្តពោធិ៍សាត់ បានបញ្ជាឲ្យមន្ត្រី នគរបាលយុត្តិធម៌ស្រុកក្រគរអនុវត្តផ្លូវច្បាប់ចាប់ខ្លួនជនសង្ស័យខាងលើដែលបានជាប់ពាក់ព័ន្ធនិងផ្លូវច្បាប់។ លោកបន្តថា ក្រោយទទួលបានបទបញ្ជាភ្លាមលោក បានដឹកនាំកម្លាំងផ្ទាល់ឲ្យជាមួយជំនាញស្រុកចុះទៅសហការជាមួយប៉ុស្តិ៍រដ្ឋបាល តាមរកមុខសញ្ញានេះឃើញ នៅខាងសាលាវិទ្យាល័យហ៊ុន សែន ក្រគរ នៅភូមិខាងលើនៅម៉ោង៩និង៤០នាទីព្រឹកក៏ចាប់ឃាត់ខ្លួនតែម្ដង ដោយក្នុងនោះនគរបាលយើងបានរកឃើញវត្ថុតាងនូវកាំបិតស្នៀតមុតស្រួចមួយ និងឧបករណ៍ច្រវាក់ទុកដើរទាក់ឆ្កែពេលយប់ ទូរស័ព្ទដៃ២គ្រឿង និងម៉ូតូជាមធ្យោបាយធ្វើសកម្មភាពចោរកម្មមួយគ្រឿង ។
លោក អែម រុន បញ្ជាក់ ជនសង្ស័យសាក់ពេញខ្លួនឈ្មោះ សុខ ផេង នេះ ជាមុខសញ្ញាប្រើប្រាស់សារធាតុញៀនហើយក៏ជាមុខសញ្ញាប្រព្រឹត្តអំពើចោរកម្មយ៉ាងសកម្ម ពេលយប់ដ៏សកម្មដែរ ដោយជនសង្ស័យនេះនគរបាលលោក បានបញ្ជូនទៅតុលាការតាមនីតិវិធីហើយ៕
ចាប់ខ្លួនជនជក់គ្រឿងញៀន និងអ្នកប្រព្រឹត្តចោរកម្មតាមបញ្ជាព្រះរាជអាជ្ញាខេត្ត
0 Comments